| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૮. અટ્ઠમવગ્ગો
8. Aṭṭhamavaggo
(૮૩) ૧૧. કમ્મહેતુકથા
(83) 11. Kammahetukathā
૫૪૬. કમ્મહેતુ અરહા અરહત્તા પરિહાયતીતિ? આમન્તા. કમ્મહેતુ સોતાપન્નો સોતાપત્તિફલા પરિહાયતીતિ? ન હેવં વત્તબ્બે…પે॰… કમ્મહેતુ અરહા અરહત્તા પરિહાયતીતિ? આમન્તા. કમ્મહેતુ સકદાગામી…પે॰… અનાગામી અનાગામિફલા પરિહાયતીતિ? ન હેવં વત્તબ્બે…પે॰….
546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….
કમ્મહેતુ સોતાપન્નો સોતાપત્તિફલા ન પરિહાયતીતિ? આમન્તા. કમ્મહેતુ અરહા અરહત્તા ન પરિહાયતીતિ? ન હેવં વત્તબ્બે …પે॰… કમ્મહેતુ સકદાગામી…પે॰… અનાગામી અનાગામિફલા ન પરિહાયતીતિ? આમન્તા. કમ્મહેતુ અરહા અરહત્તા ન પરિહાયતીતિ? ન હેવં વત્તબ્બે…પે॰….
Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….
કમ્મહેતુ અરહા અરહત્તા પરિહાયતીતિ? આમન્તા. પાણાતિપાતકમ્મસ્સ હેતૂતિ? ન હેવં વત્તબ્બે…પે॰… અદિન્નાદાનકમ્મસ્સ હેતુ…પે॰… કામેસુમિચ્છાચારકમ્મસ્સ હેતુ… મુસાવાદકમ્મસ્સ હેતુ… પિસુણવાચાકમ્મસ્સ હેતુ… ફરુસવાચાકમ્મસ્સ હેતુ… સમ્ફપ્પલાપકમ્મસ્સ હેતુ… માતુઘાતકમ્મસ્સ 1 હેતુ… પિતુઘાતકમ્મસ્સ હેતુ… અરહન્તઘાતકમ્મસ્સ હેતુ… રુહિરુપ્પાદકમ્મસ્સ હેતુ…પે॰… સઙ્ઘભેદકમ્મસ્સ હેતૂતિ? ન હેવં વત્તબ્બે…પે॰….
Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….
કતમસ્સ કમ્મસ્સ હેતૂતિ? હન્દ હિ અરહન્તાનં અબ્ભાચિક્ખતીતિ. અરહન્તાનં અબ્ભાચિક્ખનકમ્મસ્સ હેતુ અરહા અરહત્તા પરિહાયતીતિ? આમન્તા. યે કેચિ અરહન્તાનં અબ્ભાચિક્ખન્તિ, સબ્બે તે અરહત્તં સચ્છિકરોન્તીતિ? ન હેવં વત્તબ્બે…પે॰….
Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….
કમ્મહેતુકથા નિટ્ઠિતા.
Kammahetukathā niṭṭhitā.
અટ્ઠમવગ્ગો.
Aṭṭhamavaggo.
તસ્સુદ્દાનં –
Tassuddānaṃ –
છ ગતિયો, અન્તરાભવો, પઞ્ચેવ કામગુણા કામધાતુ, પઞ્ચેવ આયતના કામા, રૂપિનો ધમ્મા રૂપધાતુ, અરૂપિનો ધમ્મા અરૂપધાતુ, સળાયતનિકો અત્તભાવો રૂપધાતુયા, અત્થિ રૂપં અરૂપેસુ, રૂપં કમ્મં, રૂપં જીવિતં, કમ્મહેતુકા પરિહાયતીતિ.
Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૧. કમ્મહેતુકથાવણ્ણના • 11. Kammahetukathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૧. કમ્મહેતુકથાવણ્ણના • 11. Kammahetukathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧૧. કમ્મહેતુકથાવણ્ણના • 11. Kammahetukathāvaṇṇanā
