| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૨. કમ્મકથાવણ્ણના
2. Kammakathāvaṇṇanā
૬૩૩-૬૩૫. ઇદાનિ કમ્મકથા નામ હોતિ. તત્થ ‘‘નાહં, ભિક્ખવે, સઞ્ચેતનિકાનં કમ્માન’’ન્તિ (અ॰ નિ॰ ૧૦.૨૧૭) સુત્તપદં નિસ્સાય ‘‘સબ્બં કમ્મં સવિપાક’’ન્તિ યેસં લદ્ધિ, સેય્યથાપિ મહાસંઘિકાનં; તેસં ‘‘ચેતનાહં, ભિક્ખવે, કમ્મં વદામી’’તિ (અ॰ નિ॰ ૬.૬૩) સત્થારા અવિસેસેન ચેતના ‘‘કમ્મ’’ન્તિ વુત્તા; સા ચ કુસલાકુસલાવ સવિપાકા, અબ્યાકતા અવિપાકાતિ ઇમં વિભાગં દસ્સેતું સબ્બં કમ્મન્તિ પુચ્છા સકવાદિસ્સ, પટિઞ્ઞા ઇતરસ્સ. પુન સબ્બા ચેતનાતિ પઞ્હેસુ અબ્યાકતં સન્ધાય પટિક્ખેપો, કુસલાકુસલે સન્ધાય પટિઞ્ઞા વેદિતબ્બા . વિપાકાબ્યાકતાતિઆદિ સવિપાકાવિપાકચેતનં સરૂપેન દસ્સેતું વુત્તં. સેસમેત્થ ઉત્તાનત્થમેવ. ‘‘નાહં, ભિક્ખવે’’તિ સુત્તં સતિ પચ્ચયે દિટ્ઠધમ્માદીસુ વિપાકપટિસંવેદનં સન્ધાય વુત્તં, તસ્મા અસાધકન્તિ.
633-635. Idāni kammakathā nāma hoti. Tattha ‘‘nāhaṃ, bhikkhave, sañcetanikānaṃ kammāna’’nti (a. ni. 10.217) suttapadaṃ nissāya ‘‘sabbaṃ kammaṃ savipāka’’nti yesaṃ laddhi, seyyathāpi mahāsaṃghikānaṃ; tesaṃ ‘‘cetanāhaṃ, bhikkhave, kammaṃ vadāmī’’ti (a. ni. 6.63) satthārā avisesena cetanā ‘‘kamma’’nti vuttā; sā ca kusalākusalāva savipākā, abyākatā avipākāti imaṃ vibhāgaṃ dassetuṃ sabbaṃ kammanti pucchā sakavādissa, paṭiññā itarassa. Puna sabbā cetanāti pañhesu abyākataṃ sandhāya paṭikkhepo, kusalākusale sandhāya paṭiññā veditabbā . Vipākābyākatātiādi savipākāvipākacetanaṃ sarūpena dassetuṃ vuttaṃ. Sesamettha uttānatthameva. ‘‘Nāhaṃ, bhikkhave’’ti suttaṃ sati paccaye diṭṭhadhammādīsu vipākapaṭisaṃvedanaṃ sandhāya vuttaṃ, tasmā asādhakanti.
કમ્મકથાવણ્ણના.
Kammakathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૧૭) ૨. કમ્મકથા • (117) 2. Kammakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૨. કમ્મકથાવણ્ણના • 2. Kammakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૨. કમ્મકથાવણ્ણના • 2. Kammakathāvaṇṇanā
