| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૫. નવપુરાણવગ્ગો
15. Navapurāṇavaggo
૧. કમ્મનિરોધસુત્તવણ્ણના
1. Kammanirodhasuttavaṇṇanā
૧૪૬. નવપુરાણવગ્ગસ્સ પઠમે નવપુરાણાનીતિ નવાનિ ચ પુરાણાનિ ચ. ચક્ખુ, ભિક્ખવે, પુરાણકમ્મન્તિ ન ચક્ખુ પુરાણં, કમ્મમેવ પુરાણં, કમ્મતો પન નિબ્બત્તત્તા પચ્ચયનામેન એવં વુત્તં. અભિસઙ્ખતન્તિ પચ્ચયેહિ અભિસમાગન્ત્વા કતં. અભિસઞ્ચેતયિતન્તિ ચેતનાય પકપ્પિતં. વેદનિયં દટ્ઠબ્બન્તિ વેદનાય વત્થૂતિ પસ્સિતબ્બં. નિરોધા વિમુત્તિં ફુસતીતિ ઇમસ્સ તિવિધસ્સ કમ્મસ્સ નિરોધેન વિમુત્તિં ફુસતિ. અયં વુચ્ચતીતિ અયં તસ્સા વિમુત્તિયા આરમ્મણભૂતો નિરોધો કમ્મનિરોધોતિ વુચ્ચતિ. ઇતિ ઇમસ્મિં સુત્તે પુબ્બભાગવિપસ્સના કથિતા.
146. Navapurāṇavaggassa paṭhame navapurāṇānīti navāni ca purāṇāni ca. Cakkhu, bhikkhave, purāṇakammanti na cakkhu purāṇaṃ, kammameva purāṇaṃ, kammato pana nibbattattā paccayanāmena evaṃ vuttaṃ. Abhisaṅkhatanti paccayehi abhisamāgantvā kataṃ. Abhisañcetayitanti cetanāya pakappitaṃ. Vedaniyaṃ daṭṭhabbanti vedanāya vatthūti passitabbaṃ. Nirodhā vimuttiṃ phusatīti imassa tividhassa kammassa nirodhena vimuttiṃ phusati. Ayaṃ vuccatīti ayaṃ tassā vimuttiyā ārammaṇabhūto nirodho kammanirodhoti vuccati. Iti imasmiṃ sutte pubbabhāgavipassanā kathitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. કમ્મનિરોધસુત્તં • 1. Kammanirodhasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧. કમ્મનિરોધસુત્તવણ્ણના • 1. Kammanirodhasuttavaṇṇanā
