| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૫. પન્નરસમવગ્ગો
15. Pannarasamavaggo
(૧૫૫) ૧૧. કમ્મૂપચયકથા
(155) 11. Kammūpacayakathā
૭૩૭. અઞ્ઞં કમ્મં અઞ્ઞો કમ્મૂપચયોતિ? આમન્તા. અઞ્ઞો ફસ્સો, અઞ્ઞો ફસ્સૂપચયો; અઞ્ઞા વેદના, અઞ્ઞો વેદનૂપચયો; અઞ્ઞા સઞ્ઞા, અઞ્ઞો સઞ્ઞૂપચયો; અઞ્ઞા ચેતના, અઞ્ઞો ચેતનૂપચયો; અઞ્ઞં ચિત્તં, અઞ્ઞો ચિત્તૂપચયો; અઞ્ઞા સદ્ધા, અઞ્ઞો સદ્ધૂપચયો; અઞ્ઞં વીરિયં, અઞ્ઞો વીરિયૂપચયો; અઞ્ઞા સતિ, અઞ્ઞો સતૂપચયો ; અઞ્ઞો સમાધિ, અઞ્ઞો સમાધૂપચયો; અઞ્ઞા પઞ્ઞા, અઞ્ઞો પઞ્ઞૂપચયો; અઞ્ઞો રાગો, અઞ્ઞો રાગૂપચયો…પે॰… અઞ્ઞં અનોત્તપ્પં, અઞ્ઞો અનોત્તપ્પૂપચયોતિ? ન હેવં વત્તબ્બે…પે॰….
737. Aññaṃ kammaṃ añño kammūpacayoti? Āmantā. Añño phasso, añño phassūpacayo; aññā vedanā, añño vedanūpacayo; aññā saññā, añño saññūpacayo; aññā cetanā, añño cetanūpacayo; aññaṃ cittaṃ, añño cittūpacayo; aññā saddhā, añño saddhūpacayo; aññaṃ vīriyaṃ, añño vīriyūpacayo; aññā sati, añño satūpacayo ; añño samādhi, añño samādhūpacayo; aññā paññā, añño paññūpacayo; añño rāgo, añño rāgūpacayo…pe… aññaṃ anottappaṃ, añño anottappūpacayoti? Na hevaṃ vattabbe…pe….
૭૩૮. અઞ્ઞં કમ્મં, અઞ્ઞો કમ્મૂપચયોતિ? આમન્તા. કમ્મૂપચયો કમ્મેન સહજાતોતિ? ન હેવં વત્તબ્બે…પે॰….
738. Aññaṃ kammaṃ, añño kammūpacayoti? Āmantā. Kammūpacayo kammena sahajātoti? Na hevaṃ vattabbe…pe….
કમ્મૂપચયો કમ્મેન સહજાતોતિ, આમન્તા. કુસલેન કમ્મેન સહજાતો કમ્મૂપચયો કુસલોતિ, ન હેવં વત્તબ્બે…પે॰….
Kammūpacayo kammena sahajātoti, āmantā. Kusalena kammena sahajāto kammūpacayo kusaloti, na hevaṃ vattabbe…pe….
કુસલેન કમ્મેન સહજાતો કમ્મૂપચયો કુસલોતિ? આમન્તા. સુખાય વેદનાય સમ્પયુત્તેન કમ્મેન સહજાતો કમ્મૂપચયો સુખાય વેદનાય સમ્પયુત્તોતિ? ન હેવં વત્તબ્બે…પે॰… દુક્ખાય વેદનાય…પે॰… અદુક્ખમસુખાય વેદનાય સમ્પયુત્તેન કમ્મેન સહજાતો કમ્મૂપચયો અદુક્ખમસુખાય વેદનાય સમ્પયુત્તોતિ? ન હેવં વત્તબ્બે…પે॰….
Kusalena kammena sahajāto kammūpacayo kusaloti? Āmantā. Sukhāya vedanāya sampayuttena kammena sahajāto kammūpacayo sukhāya vedanāya sampayuttoti? Na hevaṃ vattabbe…pe… dukkhāya vedanāya…pe… adukkhamasukhāya vedanāya sampayuttena kammena sahajāto kammūpacayo adukkhamasukhāya vedanāya sampayuttoti? Na hevaṃ vattabbe…pe….
૭૩૯. કમ્મૂપચયો કમ્મેન સહજાતોતિ? આમન્તા. અકુસલેન કમ્મેન સહજાતો કમ્મૂપચયો અકુસલોતિ? ન હેવં વત્તબ્બે…પે॰….
739. Kammūpacayo kammena sahajātoti? Āmantā. Akusalena kammena sahajāto kammūpacayo akusaloti? Na hevaṃ vattabbe…pe….
અકુસલેન કમ્મેન સહજાતો કમ્મૂપચયો અકુસલોતિ? આમન્તા. સુખાય વેદનાય સમ્પયુત્તેન કમ્મેન સહજાતો કમ્મૂપચયો સુખાય વેદનાય સમ્પયુત્તોતિ? ન હેવં વત્તબ્બે…પે॰… દુક્ખાય વેદનાય…પે॰… અદુક્ખમસુખાય વેદનાય સમ્પયુત્તેન કમ્મેન સહજાતો કમ્મૂપચયો અદુક્ખમસુખાય વેદનાય સમ્પયુત્તોતિ? ન હેવં વત્તબ્બે…પે॰….
Akusalena kammena sahajāto kammūpacayo akusaloti? Āmantā. Sukhāya vedanāya sampayuttena kammena sahajāto kammūpacayo sukhāya vedanāya sampayuttoti? Na hevaṃ vattabbe…pe… dukkhāya vedanāya…pe… adukkhamasukhāya vedanāya sampayuttena kammena sahajāto kammūpacayo adukkhamasukhāya vedanāya sampayuttoti? Na hevaṃ vattabbe…pe….
૭૪૦. કમ્મં ચિત્તેન સહજાતં, કમ્મં સારમ્મણન્તિ? આમન્તા. કમ્મૂપચયો ચિત્તેન સહજાતો, કમ્મૂપચયો સારમ્મણોતિ? ન હેવં વત્તબ્બે…પે॰… કમ્મૂપચયો ચિત્તેન સહજાતો , કમ્મૂપચયો અનારમ્મણોતિ ? આમન્તા. કમ્મં ચિત્તેન સહજાતં, કમ્મં અનારમ્મણન્તિ? ન હેવં વત્તબ્બે…પે॰….
740. Kammaṃ cittena sahajātaṃ, kammaṃ sārammaṇanti? Āmantā. Kammūpacayo cittena sahajāto, kammūpacayo sārammaṇoti? Na hevaṃ vattabbe…pe… kammūpacayo cittena sahajāto , kammūpacayo anārammaṇoti ? Āmantā. Kammaṃ cittena sahajātaṃ, kammaṃ anārammaṇanti? Na hevaṃ vattabbe…pe….
કમ્મં ચિત્તેન સહજાતં, ચિત્તં ભિજ્જમાનં કમ્મં ભિજ્જતીતિ? આમન્તા. કમ્મૂપચયો ચિત્તેન સહજાતો, ચિત્તં ભિજ્જમાનં કમ્મૂપચયો ભિજ્જતીતિ? ન હેવં વત્તબ્બે…પે॰….
Kammaṃ cittena sahajātaṃ, cittaṃ bhijjamānaṃ kammaṃ bhijjatīti? Āmantā. Kammūpacayo cittena sahajāto, cittaṃ bhijjamānaṃ kammūpacayo bhijjatīti? Na hevaṃ vattabbe…pe….
કમ્મૂપચયો ચિત્તેન સહજાતો, ચિત્તં ભિજ્જમાનં કમ્મૂપચયો ન ભિજ્જતીતિ? આમન્તા. કમ્મં ચિત્તેન સહજાતં, ચિત્તં ભિજ્જમાનં કમ્મં ન ભિજ્જતીતિ? ન હેવં વત્તબ્બે…પે॰….
Kammūpacayo cittena sahajāto, cittaṃ bhijjamānaṃ kammūpacayo na bhijjatīti? Āmantā. Kammaṃ cittena sahajātaṃ, cittaṃ bhijjamānaṃ kammaṃ na bhijjatīti? Na hevaṃ vattabbe…pe….
૭૪૧. કમ્મમ્હિ કમ્મૂપચયોતિ? આમન્તા. તઞ્ઞેવ કમ્મં સો કમ્મૂપચયોતિ? ન હેવં વત્તબ્બે…પે॰….
741. Kammamhi kammūpacayoti? Āmantā. Taññeva kammaṃ so kammūpacayoti? Na hevaṃ vattabbe…pe….
કમ્મમ્હિ કમ્મૂપચયો, કમ્મૂપચયતો વિપાકો નિબ્બત્તતીતિ? આમન્તા. તઞ્ઞેવ કમ્મં, સો કમ્મૂપચયો, સો કમ્મવિપાકોતિ? ન હેવં વત્તબ્બે…પે॰….
Kammamhi kammūpacayo, kammūpacayato vipāko nibbattatīti? Āmantā. Taññeva kammaṃ, so kammūpacayo, so kammavipākoti? Na hevaṃ vattabbe…pe….
કમ્મમ્હિ કમ્મૂપચયો, કમ્મૂપચયતો વિપાકો નિબ્બત્તતિ, વિપાકો સારમ્મણોતિ? આમન્તા. કમ્મૂપચયો સારમ્મણોતિ? ન હેવં વત્તબ્બે…પે॰… કમ્મૂપચયો અનારમ્મણોતિ? આમન્તા. વિપાકો અનારમ્મણોતિ? ન હેવં વત્તબ્બે…પે॰….
Kammamhi kammūpacayo, kammūpacayato vipāko nibbattati, vipāko sārammaṇoti? Āmantā. Kammūpacayo sārammaṇoti? Na hevaṃ vattabbe…pe… kammūpacayo anārammaṇoti? Āmantā. Vipāko anārammaṇoti? Na hevaṃ vattabbe…pe….
૭૪૨. અઞ્ઞં કમ્મં અઞ્ઞો કમ્મૂપચયોતિ, આમન્તા. નનુ વુત્તં ભગવતા – ‘‘ઇધ, પુણ્ણ, એકચ્ચો સબ્યાબજ્ઝમ્પિ અબ્યાબજ્ઝમ્પિ 1 કાયસઙ્ખારં અભિસઙ્ખરોતિ, સબ્યાબજ્ઝમ્પિ અબ્યાબજ્ઝમ્પિ વચીસઙ્ખારં…પે॰… મનોસઙ્ખારં અભિસઙ્ખરોતિ, સો સબ્યાબજ્ઝમ્પિ અબ્યાબજ્ઝમ્પિ કાયસઙ્ખારં અભિસઙ્ખરિત્વા, સબ્યાબજ્ઝમ્પિ અબ્યાબજ્ઝમ્પિ વચીસઙ્ખારં…પે॰… મનોસઙ્ખારં અભિસઙ્ખરિત્વા સબ્યાબજ્ઝમ્પિ અબ્યાબજ્ઝમ્પિ લોકં ઉપપજ્જતિ. તમેનં સબ્યાબજ્ઝમ્પિ અબ્યાબજ્ઝમ્પિ લોકં ઉપપન્નં સમાનં સબ્યાબજ્ઝાપિ અબ્યાબજ્ઝાપિ ફસ્સા ફુસન્તિ. સો સબ્યાબજ્ઝેહિપિ અબ્યાબજ્ઝેહિપિ ફસ્સેહિ ફુટ્ઠો સમાનો સબ્યાબજ્ઝમ્પિ અબ્યાબજ્ઝમ્પિ વેદનં વેદેતિ વોકિણ્ણસુખદુક્ખં, સેય્યથાપિ મનુસ્સા એકચ્ચે ચ દેવા એકચ્ચે ચ વિનિપાતિકા. ઇતિ ખો, પુણ્ણ, ભૂતા ભૂતસ્સ ઉપપત્તિ હોતિ, યં કરોતિ તેન ઉપપજ્જતિ, ઉપપન્નમેતં ફસ્સા ફુસન્તિ. એવમ્પાહં, પુણ્ણ, ‘કમ્મદાયાદા સત્તા’તિ વદામી’’તિ 2. અત્થેવ સુત્તન્તોતિ? આમન્તા. તેન હિ ન વત્તબ્બં – ‘‘અઞ્ઞં કમ્મં, અઞ્ઞો કમ્મૂપચયો’’તિ.
742. Aññaṃ kammaṃ añño kammūpacayoti, āmantā. Nanu vuttaṃ bhagavatā – ‘‘idha, puṇṇa, ekacco sabyābajjhampi abyābajjhampi 3 kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ…pe… manosaṅkhāraṃ abhisaṅkharoti, so sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ…pe… manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati. Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti. So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vedeti vokiṇṇasukhadukkhaṃ, seyyathāpi manussā ekacce ca devā ekacce ca vinipātikā. Iti kho, puṇṇa, bhūtā bhūtassa upapatti hoti, yaṃ karoti tena upapajjati, upapannametaṃ phassā phusanti. Evampāhaṃ, puṇṇa, ‘kammadāyādā sattā’ti vadāmī’’ti 4. Attheva suttantoti? Āmantā. Tena hi na vattabbaṃ – ‘‘aññaṃ kammaṃ, añño kammūpacayo’’ti.
કમ્મૂપચયકથા નિટ્ઠિતા.
Kammūpacayakathā niṭṭhitā.
પન્નરસમવગ્ગો.
Pannarasamavaggo.
તસ્સુદ્દાનં –
Tassuddānaṃ –
પચ્ચયતા વવત્થિતા, પટિચ્ચસમુપ્પાદો, અદ્ધા, ખણો લયો મુહુત્તં, ચત્તારો આસવા અનાસવા, લોકુત્તરાનં ધમ્માનં જરામરણં લોકુત્તરા, સઞ્ઞાવેદયિતનિરોધસમાપત્તિ લોકુત્તરા, સઞ્ઞાવેદયિતનિરોધસમાપત્તિ લોકિયા, સઞ્ઞાવેદયિતનિરોધં સમાપન્નો કાલં કરેય્ય, સ્વેવ મગ્ગો અસઞ્ઞસત્તુપપત્તિયા , અઞ્ઞં કમ્મં અઞ્ઞો કમ્મૂપચયોતિ.
Paccayatā vavatthitā, paṭiccasamuppādo, addhā, khaṇo layo muhuttaṃ, cattāro āsavā anāsavā, lokuttarānaṃ dhammānaṃ jarāmaraṇaṃ lokuttarā, saññāvedayitanirodhasamāpatti lokuttarā, saññāvedayitanirodhasamāpatti lokiyā, saññāvedayitanirodhaṃ samāpanno kālaṃ kareyya, sveva maggo asaññasattupapattiyā , aññaṃ kammaṃ añño kammūpacayoti.
તતિયો પણ્ણાસકો.
Tatiyo paṇṇāsako.
તસ્સુદ્દાનં –
Tassuddānaṃ –
અનુસયા, સંવરો, કપ્પો, મૂલઞ્ચ વવત્થિતાતિ.
Anusayā, saṃvaro, kappo, mūlañca vavatthitāti.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૧. કમ્મૂપચયકથાવણ્ણના • 11. Kammūpacayakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૧. કમ્મૂપચયકથાવણ્ણના • 11. Kammūpacayakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧૧. કમ્મૂપચયકથાવણ્ણના • 11. Kammūpacayakathāvaṇṇanā
