| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૨. કણવેરપુપ્ફિયત્થેરઅપદાનવણ્ણના
2. Kaṇaverapupphiyattheraapadānavaṇṇanā
સિદ્ધત્થો નામ ભગવાતિઆદિકં આયસ્મતો કણવેરપુપ્ફિયત્થેરસ્સ અપદાનં. અયમ્પિ પુરિમબુદ્ધેસુ કતાધિકારો સિદ્ધત્થસ્સ ભગવતો કાલે સુદ્દકુલે નિબ્બત્તો વુદ્ધિમન્વાય રઞ્ઞો અન્તેપુરપાલકો અહોસિ. તસ્મિં સમયે સિદ્ધત્થો ભગવા ભિક્ખુસઙ્ઘપરિવુતો રાજવીથિં પટિપજ્જિ. અથ સો અન્તેપુરપાલકો ચરમાનં ભગવન્તં દિસ્વા પસન્નમાનસો હુત્વા કણવેરપુપ્ફેન ભગવન્તં પૂજેત્વા નમસ્સમાનો અટ્ઠાસિ. સો તેન પુઞ્ઞેન સુગતિસમ્પત્તિયોયેવ અનુભવિત્વા ઇમસ્મિં બુદ્ધુપ્પાદે એકસ્મિં કુલે નિબ્બત્તિત્વા વુદ્ધિપ્પત્તો સત્થુ ધમ્મદેસનં સુત્વા પટિલદ્ધસદ્ધો પબ્બજિત્વા નચિરસ્સેવ અરહા અહોસિ.
Siddhatthonāma bhagavātiādikaṃ āyasmato kaṇaverapupphiyattherassa apadānaṃ. Ayampi purimabuddhesu katādhikāro siddhatthassa bhagavato kāle suddakule nibbatto vuddhimanvāya rañño antepurapālako ahosi. Tasmiṃ samaye siddhattho bhagavā bhikkhusaṅghaparivuto rājavīthiṃ paṭipajji. Atha so antepurapālako caramānaṃ bhagavantaṃ disvā pasannamānaso hutvā kaṇaverapupphena bhagavantaṃ pūjetvā namassamāno aṭṭhāsi. So tena puññena sugatisampattiyoyeva anubhavitvā imasmiṃ buddhuppāde ekasmiṃ kule nibbattitvā vuddhippatto satthu dhammadesanaṃ sutvā paṭiladdhasaddho pabbajitvā nacirasseva arahā ahosi.
૭. સો પત્તઅગ્ગફલો પુબ્બે કતકુસલં સરિત્વા સઞ્જાતસોમનસ્સો પુબ્બચરિતાપદાનં પકાસેન્તો સિદ્ધત્થો નામ ભગવાતિઆદિમાહ. તં સબ્બં હેટ્ઠા વુત્તત્તા ઉત્તાનત્થમેવાતિ.
7. So pattaaggaphalo pubbe katakusalaṃ saritvā sañjātasomanasso pubbacaritāpadānaṃ pakāsento siddhattho nāma bhagavātiādimāha. Taṃ sabbaṃ heṭṭhā vuttattā uttānatthamevāti.
કણવેરપુપ્ફિયત્થેરઅપદાનવણ્ણના સમત્તા.
Kaṇaverapupphiyattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૨. કણવેરપુપ્ફિયત્થેરઅપદાનં • 2. Kaṇaverapupphiyattheraapadānaṃ
