| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. கதா²ஸுத்தங்
7. Kathāsuttaṃ
97. ‘‘பஞ்சஹி , பி⁴க்க²வே, த⁴ம்மேஹி ஸமன்னாக³தோ பி⁴க்கு² ஆனாபானஸ்ஸதிங் பா⁴வெந்தோ நசிரஸ்ஸேவ அகுப்பங் படிவிஜ்ஜ²தி. கதமேஹி பஞ்சஹி? இத⁴, பி⁴க்க²வே, பி⁴க்கு² அப்பட்டோ² ஹோதி அப்பகிச்சோ ஸுப⁴ரோ ஸுஸந்தோஸோ ஜீவிதபரிக்கா²ரேஸு; அப்பாஹாரோ ஹோதி அனோத³ரிகத்தங் அனுயுத்தோ; அப்பமித்³தோ⁴ ஹோதி ஜாக³ரியங் அனுயுத்தோ; யாயங் கதா² ஆபி⁴ஸல்லேகி²கா சேதோவிவரணஸப்பாயா, ஸெய்யதி²த³ங் – அப்பிச்ச²கதா²…பே॰… விமுத்திஞாணத³ஸ்ஸனகதா², ஏவரூபியா கதா²ய நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴; யதா²விமுத்தங் சித்தங் பச்சவெக்க²தி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² ஆனாபானஸ்ஸதிங் பா⁴வெந்தோ நசிரஸ்ஸேவ அகுப்பங் படிவிஜ்ஜ²தீ’’தி. ஸத்தமங்.
97. ‘‘Pañcahi , bhikkhave, dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; yāyaṃ kathā ābhisallekhikā cetovivaraṇasappāyā, seyyathidaṃ – appicchakathā…pe… vimuttiñāṇadassanakathā, evarūpiyā kathāya nikāmalābhī hoti akicchalābhī akasiralābhī; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhatī’’ti. Sattamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மஸம்பதா³ஸுத்தாதி³வண்ணனா • 1-10. Paṭhamasampadāsuttādivaṇṇanā
