| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. கட்டோ²பமஸுத்தவண்ணனா
9. Kaṭṭhopamasuttavaṇṇanā
509. த்³வின்னங் அரணீனந்தி அத⁴ருத்தராரணீனங். கிஞ்சி த்³வயங் ஸங்க⁴ட்டிதமத்தங் ஹுத்வா ந ஸமோதா⁴னக³தங் ஹோதீதி தங்னிவத்தனத்த²ங் ‘‘ஸங்க⁴ட்டனஸமோதா⁴னா’’தி வுத்தங். புனப்புனங் ஸங்க⁴ட்டனேன ஹி தேஜோபாதுபா⁴வோ. அத⁴ராரணீ விய வத்தா²ரம்மணங் அஸதிபி வாயாமே தஜ்ஜஸம்ப²ஸ்ஸபச்சயதோ. உத்தராரணீ விய ப²ஸ்ஸோ வத்தா²ரம்மணாதி³ப²ஸ்ஸேன பவத்தனதோ. ஸங்க⁴ட்டோ விய ப²ஸ்ஸஸங்க⁴ட்டனங் அரணித்³வயஸங்க⁴ட்டனா விய ப²ஸ்ஸஸ்ஸேவ வத்தா²ரம்மணேஸு ஸங்க⁴ட்டனாகாரேன பவத்திதோ. அக்³கி³ விய வேத³னா அனுத³ஹனட்டே²ன க²ணிகாவாயஞ்ச. வத்தா²ரம்மணங் வா உத்தராரணீ விய இந்த⁴னாபாதக³ஹணாதீ³ஸு உஸ்ஸாஹஸ்ஸ விய பவத்திஸம்ப⁴வதோ. ப²ஸ்ஸோ அத⁴ராரணீ விய நிருஸ்ஸாஹனிரீஹதாவஸேன அத்தஸாத⁴னதோ.
509.Dvinnaṃaraṇīnanti adharuttarāraṇīnaṃ. Kiñci dvayaṃ saṅghaṭṭitamattaṃ hutvā na samodhānagataṃ hotīti taṃnivattanatthaṃ ‘‘saṅghaṭṭanasamodhānā’’ti vuttaṃ. Punappunaṃ saṅghaṭṭanena hi tejopātubhāvo. Adharāraṇī viya vatthārammaṇaṃ asatipi vāyāme tajjasamphassapaccayato. Uttarāraṇī viya phasso vatthārammaṇādiphassena pavattanato. Saṅghaṭṭo viya phassasaṅghaṭṭanaṃ araṇidvayasaṅghaṭṭanā viya phassasseva vatthārammaṇesu saṅghaṭṭanākārena pavattito. Aggi viya vedanā anudahanaṭṭhena khaṇikāvāyañca. Vatthārammaṇaṃ vā uttarāraṇī viya indhanāpātagahaṇādīsu ussāhassa viya pavattisambhavato. Phasso adharāraṇī viya nirussāhanirīhatāvasena attasādhanato.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. கட்டோ²பமஸுத்தங் • 9. Kaṭṭhopamasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. கட்டோ²பமஸுத்தவண்ணனா • 9. Kaṭṭhopamasuttavaṇṇanā
