| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. கவிஸுத்தவண்ணனா
10. Kavisuttavaṇṇanā
60. கா³யத்திஆதி³கோதி ச²ப்³பீ³ஸதியா ச²ந்தே³ஸு கா³யத்திஆதி³கோ உக்கதிபரியோஸானோ ச²ந்தோ³ கா³தா²னங் நிதா³னங் ஸமுட்டா²னங் ‘‘ஸமுட்ட²ஹதி ஏதேனா’’தி கத்வா. தேஹி பன அனுட்டு²பா⁴தி³கோ ஹோதீதி ஆஹ ‘‘ச²ந்தோ³ கா³தா²னங் நிதா³ன’’ந்தி. புப்³ப³பட்டா²பனகா³தா²தி த⁴ம்மகதா²ய ஆதி³தோ ஆரோசனபா⁴வஜானநத்த²ங் ஸதிஜனநங் விய பவத்திதகா³தா². அக்க²ரஞ்ஹி பத³ங் ஜனேதீதி யஸ்மா அக்க²ரஸமுதா³யோ பத³ங், பத³ஸமுதா³யோ கா³தா², ஸமுதா³யோ ச ஸமுதா³யீஹி ப்³யஞ்ஜீயதி தங்பவத்தனதோ, தஸ்மா ப்³யஞ்ஜனபா⁴வே டி²தங் அக்க²ரங், தங்ஸமுதா³யோ பத³ங், பத³ங் தங் வியஞ்ஜேதா ஜனேதா விய ஹோதீதி ‘‘அக்க²ரஞ்ஹி பத³ங் ஜனேதீ’’தி வுத்தங். அக்க²ரங் ஹி உச்சாரிதவித்³த⁴ங்ஸிதாய தங்தங்க²ணமத்தாவட்டா²யீபி பரதோ பவத்தியா மனோவிஞ்ஞாணவீதி²யா ஸங்கலனவஸேன ஏகஜ்ஜ²ங் கத்வா பத³பா⁴வேன க³ய்ஹமானங் யதா²ஸங்கேதமத்த²ங் ப்³யஞ்ஜேதி. பத³ங் கா³த²ங் ஜனேதீதி எத்தா²பி ஏஸேவ நயோ. கா³தா² அத்த²ங் பகாஸேதீதி கா³தா²ஸஞ்ஞிதோ பத³ஸமுதா³யோ கிரியாகாரகஸம்ப³ந்த⁴வஸேன ஸம்ப³ந்தி⁴தோ கத்துஅதி⁴ப்பாயானுரூபங் ஆலோசிதவிலோசிதங் ஸங்ஹிதங் அத்த²ங் விபா⁴வேதி. ஸமுத்³தா³தி³பண்ணத்தினிஸ்ஸிதா வோஹாரஸன்னிஸ்ஸயேனேவ பவத்ததீதி கத்வா. தேனாஹ ‘‘கா³தா² ஆரப⁴ந்தோ’’திஆதி³. ஆஸயோதி அவஸ்ஸயோதி ஆஹ ‘‘பதிட்டா²’’தி கவிதோதி விசித்தகதீ²ஆதி³தோ.
60.Gāyattiādikoti chabbīsatiyā chandesu gāyattiādiko ukkatipariyosāno chando gāthānaṃ nidānaṃ samuṭṭhānaṃ ‘‘samuṭṭhahati etenā’’ti katvā. Tehi pana anuṭṭhubhādiko hotīti āha ‘‘chando gāthānaṃ nidāna’’nti. Pubbapaṭṭhāpanagāthāti dhammakathāya ādito ārocanabhāvajānanatthaṃ satijananaṃ viya pavattitagāthā. Akkharañhi padaṃ janetīti yasmā akkharasamudāyo padaṃ, padasamudāyo gāthā, samudāyo ca samudāyīhi byañjīyati taṃpavattanato, tasmā byañjanabhāve ṭhitaṃ akkharaṃ, taṃsamudāyo padaṃ, padaṃ taṃ viyañjetā janetā viya hotīti ‘‘akkharañhi padaṃ janetī’’ti vuttaṃ. Akkharaṃ hi uccāritaviddhaṃsitāya taṃtaṃkhaṇamattāvaṭṭhāyīpi parato pavattiyā manoviññāṇavīthiyā saṅkalanavasena ekajjhaṃ katvā padabhāvena gayhamānaṃ yathāsaṅketamatthaṃ byañjeti. Padaṃ gāthaṃ janetīti etthāpi eseva nayo. Gāthā atthaṃ pakāsetīti gāthāsaññito padasamudāyo kiriyākārakasambandhavasena sambandhito kattuadhippāyānurūpaṃ ālocitavilocitaṃ saṃhitaṃ atthaṃ vibhāveti. Samuddādipaṇṇattinissitā vohārasannissayeneva pavattatīti katvā. Tenāha ‘‘gāthā ārabhanto’’tiādi. Āsayoti avassayoti āha ‘‘patiṭṭhā’’ti kavitoti vicittakathīādito.
கவிஸுத்தவண்ணனா நிட்டி²தா.
Kavisuttavaṇṇanā niṭṭhitā.
ஜராவக்³க³வண்ணனா நிட்டி²தா.
Jarāvaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. கவிஸுத்தங் • 10. Kavisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. கவிஸுத்தவண்ணனா • 10. Kavisuttavaṇṇanā
