| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. காயஸக்கீ²ஸுத்தங்
2. Kāyasakkhīsuttaṃ
43. ‘‘‘காயஸக்கீ² காயஸக்கீ²’தி, ஆவுஸோ, வுச்சதி. கித்தாவதா நு கோ², ஆவுஸோ, காயஸக்கீ² வுத்தோ ப⁴க³வதா’’தி? ‘‘இதா⁴வுஸோ, பி⁴க்கு² விவிச்சேவ காமேஹி…பே॰… பட²மங் ஜா²னங் உபஸம்பஜ்ஜ விஹரதி. யதா² யதா² ச ததா³யதனங் ததா² ததா² நங் காயேன பு²ஸித்வா விஹரதி. எத்தாவதாபி கோ², ஆவுஸோ, காயஸக்கீ² வுத்தோ ப⁴க³வதா பரியாயேன.
43. ‘‘‘Kāyasakkhī kāyasakkhī’ti, āvuso, vuccati. Kittāvatā nu kho, āvuso, kāyasakkhī vutto bhagavatā’’ti? ‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Yathā yathā ca tadāyatanaṃ tathā tathā naṃ kāyena phusitvā viharati. Ettāvatāpi kho, āvuso, kāyasakkhī vutto bhagavatā pariyāyena.
‘‘புன சபரங், ஆவுஸோ, பி⁴க்கு² விதக்கவிசாரானங் வூபஸமா…பே॰… து³தியங் ஜா²னங்… ததியங் ஜா²னங்… சதுத்த²ங் ஜா²னங் உபஸம்பஜ்ஜ விஹரதி. யதா² யதா² ச ததா³யதனங் ததா² ததா² நங் காயேன பு²ஸித்வா விஹரதி. எத்தாவதாபி கோ², ஆவுஸோ, காயஸக்கீ² வுத்தோ ப⁴க³வதா பரியாயேன.
‘‘Puna caparaṃ, āvuso, bhikkhu vitakkavicārānaṃ vūpasamā…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati. Yathā yathā ca tadāyatanaṃ tathā tathā naṃ kāyena phusitvā viharati. Ettāvatāpi kho, āvuso, kāyasakkhī vutto bhagavatā pariyāyena.
‘‘புன சபரங், ஆவுஸோ, பி⁴க்கு² ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ விஹரதி. யதா² யதா² ச ததா³யதனங் ததா² ததா² நங் காயேன பு²ஸித்வா விஹரதி. எத்தாவதாபி கோ², ஆவுஸோ, காயஸக்கீ² வுத்தோ ப⁴க³வதா பரியாயேன…பே॰….
‘‘Puna caparaṃ, āvuso, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Yathā yathā ca tadāyatanaṃ tathā tathā naṃ kāyena phusitvā viharati. Ettāvatāpi kho, āvuso, kāyasakkhī vutto bhagavatā pariyāyena…pe….
‘‘புன சபரங், ஆவுஸோ, பி⁴க்கு² ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி, பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹொந்தி. யதா² யதா² ச ததா³யதனங் ததா² ததா² நங் காயேன பு²ஸித்வா விஹரதி. எத்தாவதாபி கோ², ஆவுஸோ, காயஸக்கீ² வுத்தோ ப⁴க³வதா நிப்பரியாயேனா’’தி. து³தியங்.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Yathā yathā ca tadāyatanaṃ tathā tathā naṃ kāyena phusitvā viharati. Ettāvatāpi kho, āvuso, kāyasakkhī vutto bhagavatā nippariyāyenā’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. காயஸக்கி²ஸுத்தவண்ணனா • 2. Kāyasakkhisuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸம்பா³த⁴ஸுத்தாதி³வண்ணனா • 1-10. Sambādhasuttādivaṇṇanā
