| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
કેણિયજટિલવત્થુકથાવણ્ણના
Keṇiyajaṭilavatthukathāvaṇṇanā
૩૦૦. જટિલોતિ આહરિમજટાધરો તાપસવેસધારકો યઞ્ઞયુત્તો લોકપૂજિતો બ્રાહ્મણો. પવત્તારો પાવચનવસેન વત્તારો. યેસં સન્તકમિદં, યેહિ વા ઇદં ગીતન્તિ અત્થો. ગીતં પવુત્તં સમિહિતન્તિ અઞ્ઞમઞ્ઞસ્સ પરિયાયવચનં વુત્તન્તિ અત્થો. તદનુગાયન્તીતિ તં તેહિ પુબ્બે ગીતં અનુગાયન્તિ. એવં સેસેસુ ચ.
300.Jaṭiloti āharimajaṭādharo tāpasavesadhārako yaññayutto lokapūjito brāhmaṇo. Pavattāro pāvacanavasena vattāro. Yesaṃ santakamidaṃ, yehi vā idaṃ gītanti attho. Gītaṃ pavuttaṃ samihitanti aññamaññassa pariyāyavacanaṃ vuttanti attho. Tadanugāyantīti taṃ tehi pubbe gītaṃ anugāyanti. Evaṃ sesesu ca.
યાવકાલિકપક્કાનન્તિ પક્કે સન્ધાય વુત્તં, આમાનિ પન અનુપસમ્પન્નેહિ સીતુદકે મદ્દિત્વા પરિસ્સાવેત્વા દિન્નપાનં પચ્છાભત્તમ્પિ કપ્પતિ એવ. અયઞ્ચ અત્થો મહાઅટ્ઠકથાયં સરૂપતો અવુત્તોતિ આહ ‘‘કુરુન્દિયં પના’’તિઆદિ. ‘‘ઉચ્છુરસો નિકસટો’’તિ ઇદં પાતબ્બસામઞ્ઞેન યામકાલિકકથાયં વુત્તં, તં પન સત્તાહકાલિકમેવાતિ ગહેતબ્બં. ઇમે ચત્તારો રસાતિ ફલપત્તપુપ્ફઉચ્છુરસા ચત્તારો.
Yāvakālikapakkānanti pakke sandhāya vuttaṃ, āmāni pana anupasampannehi sītudake madditvā parissāvetvā dinnapānaṃ pacchābhattampi kappati eva. Ayañca attho mahāaṭṭhakathāyaṃ sarūpato avuttoti āha ‘‘kurundiyaṃ panā’’tiādi. ‘‘Ucchuraso nikasaṭo’’ti idaṃ pātabbasāmaññena yāmakālikakathāyaṃ vuttaṃ, taṃ pana sattāhakālikamevāti gahetabbaṃ. Ime cattāro rasāti phalapattapupphaucchurasā cattāro.
પાળિયં અગ્ગિહુત્તમુખાતિ અગ્ગિજુહનપુબ્બકા. છન્દસોતિ વેદસ્સ. સાવિત્તી મુખં પઠમં સજ્ઝાયિતબ્બાતિ અત્થો. તપતન્તિ વિજોતન્તાનં.
Pāḷiyaṃ aggihuttamukhāti aggijuhanapubbakā. Chandasoti vedassa. Sāvittī mukhaṃ paṭhamaṃ sajjhāyitabbāti attho. Tapatanti vijotantānaṃ.
કેણિયજટિલવત્થુકથાવણ્ણના નિટ્ઠિતા.
Keṇiyajaṭilavatthukathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૮૨. કેણિયજટિલવત્થુ • 182. Keṇiyajaṭilavatthu
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / કેણિયજટિલવત્થુકથા • Keṇiyajaṭilavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / કેણિયજટિલવત્થુકથાવણ્ણના • Keṇiyajaṭilavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / કેણિયજટિલવત્થુકથાવણ્ણના • Keṇiyajaṭilavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૮૨. કેણિયજટિલવત્થુકથા • 182. Keṇiyajaṭilavatthukathā
