| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
૩. ખમ્ભકતવગ્ગવણ્ણના
3. Khambhakatavaggavaṇṇanā
૬૦૪. સૂપો પત્તપ્પમાણવણ્ણનાયં વુત્તાકારો. ઓલોણી વુચ્ચતિ કુધિતં, ગોરસતો પૂરા થૂપિતોતિ અત્થો.
604. Sūpo pattappamāṇavaṇṇanāyaṃ vuttākāro. Oloṇī vuccati kudhitaṃ, gorasato pūrā thūpitoti attho.
૬૦૫. હેટ્ઠા ઓરોહતીતિ એત્થ ‘‘ઓરોહનપ્પમાણે સતિ એકદેસે થૂપીકતેપિ અનાપત્તી’’તિ વદન્તિ. ‘‘પત્તસ્સ પન હેટ્ઠા ચ ઉપરિ ચ પદુમિનિપણ્ણાદીહિ પટિચ્છાદેત્વા ઓદહન્તિયા લદ્ધં નામ વટ્ટતી’’તિ ચ વદન્તિ. એત્થ ‘‘યસ્મા ‘સમતિત્તિકો પિણ્ડપાતો પટિગ્ગહેતબ્બો’તિ વચનં પિણ્ડપાતો સમપુણ્ણો પટિગ્ગહેતબ્બોતિ દીપેતિ, તસ્મા અત્તનો હત્થગતે પત્તે પિણ્ડપાતો દિય્યમાનો થૂપીકતોપિ ચે હોતિ, વટ્ટતીતિ દીપેતિ. ‘થૂપીકતં પિણ્ડપાતં પટિગ્ગણ્હાતિ, આપત્તિ દુક્કટસ્સા’તિ હિ વચનં પઠમં થૂપીકતં પિણ્ડપાતં પચ્છા પટિગ્ગણ્હતો, આપત્તીતિ દીપેતિ. પત્તેન પટિગ્ગણ્હતો ચેપિ થૂપીકતં હોતિ, વટ્ટતિ અથૂપીકતસ્સ પટિગ્ગહિતત્તા. પયોગો પન નત્થિ અઞ્ઞત્ર પુબ્બદેસા’’તિ ચ ‘‘સમતિત્તિકન્તિ વા ભાવનપુંસક’’ન્તિ ચ વદન્તિ, તસ્મા વિચારેત્વા ગહેતબ્બં.
605.Heṭṭhā orohatīti ettha ‘‘orohanappamāṇe sati ekadese thūpīkatepi anāpattī’’ti vadanti. ‘‘Pattassa pana heṭṭhā ca upari ca paduminipaṇṇādīhi paṭicchādetvā odahantiyā laddhaṃ nāma vaṭṭatī’’ti ca vadanti. Ettha ‘‘yasmā ‘samatittiko piṇḍapāto paṭiggahetabbo’ti vacanaṃ piṇḍapāto samapuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpeti. ‘Thūpīkataṃ piṇḍapātaṃ paṭiggaṇhāti, āpatti dukkaṭassā’ti hi vacanaṃ paṭhamaṃ thūpīkataṃ piṇḍapātaṃ pacchā paṭiggaṇhato, āpattīti dīpeti. Pattena paṭiggaṇhato cepi thūpīkataṃ hoti, vaṭṭati athūpīkatassa paṭiggahitattā. Payogo pana natthi aññatra pubbadesā’’ti ca ‘‘samatittikanti vā bhāvanapuṃsaka’’nti ca vadanti, tasmā vicāretvā gahetabbaṃ.
ખમ્ભકતવગ્ગવણ્ણના નિટ્ઠિતા.
Khambhakatavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૩. ખમ્ભકતવગ્ગો • 3. Khambhakatavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૩. ખમ્ભકતવગ્ગવણ્ણના • 3. Khambhakatavaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૩. ખમ્ભકતવગ્ગવણ્ણના • 3. Khambhakatavaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૩. ખમ્ભકતવગ્ગવણ્ણના • 3. Khambhakatavaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૩. ખમ્ભકતવગ્ગ-અત્થયોજના • 3. Khambhakatavagga-atthayojanā
