| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૫. પન્નરસમવગ્ગો
15. Pannarasamavaggo
(૧૪૮) ૪. ખણલયમુહુત્તકથા
(148) 4. Khaṇalayamuhuttakathā
૭૨૨. ખણો પરિનિપ્ફન્નો, લયો પરિનિપ્ફન્નો, મુહુત્તં પરિનિપ્ફન્નન્તિ? આમન્તા. રૂપન્તિ? ન હેવં વત્તબ્બે…પે॰… વેદના… સઞ્ઞા… સઙ્ખારા… વિઞ્ઞાણન્તિ? ન હેવં વત્તબ્બે…પે॰….
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
૭૨૩. ન વત્તબ્બં – ‘‘મુહુત્તં પરિનિપ્ફન્નન્તિ? આમન્તા. નનુ વુત્તં ભગવતા – ‘‘તીણિમાનિ, ભિક્ખવે, કથાવત્થૂનિ! કતમાનિ તીણિ? અતીતં વા, ભિક્ખવે, અદ્ધાનં આરબ્ભ કથં કથેય્ય – ‘એવં અહોસિ અતીતમદ્ધાન’ન્તિ; અનાગતં વા, ભિક્ખવે, અદ્ધાનં આરબ્ભ કથં કથેય્ય – ‘એવં ભવિસ્સતિ અનાગતમદ્ધાન’ન્તિ; એતરહિ વા, ભિક્ખવે, પચ્ચુપ્પન્નં અદ્ધાનં આરબ્ભ કથં કથેય્ય – ‘એવં હોતિ એતરહિ પચ્ચુપ્પન્ન’ન્તિ. ઇમાનિ ખો, ભિક્ખવે, તીણિ કથાવત્થૂની’’તિ. અત્થેવ સુત્તન્તોતિ? આમન્તા. તેન હિ મુહુત્તં પરિનિપ્ફન્નન્તિ.
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
ખણલયમુહુત્તકથા નિટ્ઠિતા.
Khaṇalayamuhuttakathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૪. ખણલયમુહુત્તકથાવણ્ણના • 4. Khaṇalayamuhuttakathāvaṇṇanā
