| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. ખન્ધસુત્તં
10. Khandhasuttaṃ
૩૨૧. સાવત્થિનિદાનં . ‘‘યો ખો, ભિક્ખવે, રૂપસ્સ ઉપ્પાદો ઠિતિ અભિનિબ્બત્તિ પાતુભાવો, દુક્ખસ્સેસો ઉપ્પાદો, રોગાનં ઠિતિ, જરામરણસ્સ પાતુભાવો. યો વેદનાય… યો સઞ્ઞાય… યો સઙ્ખારાનં… યો વિઞ્ઞાણસ્સ ઉપ્પાદો ઠિતિ અભિનિબ્બત્તિ પાતુભાવો, દુક્ખસ્સેસો ઉપ્પાદો, રોગાનં ઠિતિ, જરામરણસ્સ પાતુભાવો. યો ચ ખો, ભિક્ખવે, રૂપસ્સ નિરોધો વૂપસમો અત્થઙ્ગમો, દુક્ખસ્સેસો નિરોધો, રોગાનં વૂપસમો, જરામરણસ્સ અત્થઙ્ગમો. યો વેદનાય… યો સઞ્ઞાય… યો સઙ્ખારાનં… યો વિઞ્ઞાણસ્સ નિરોધો વૂપસમો અત્થઙ્ગમો, દુક્ખસ્સેસો નિરોધો, રોગાનં વૂપસમો, જરામરણસ્સ અત્થઙ્ગમો’’તિ. દસમં.
321. Sāvatthinidānaṃ . ‘‘Yo kho, bhikkhave, rūpassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo vedanāya… yo saññāya… yo saṅkhārānaṃ… yo viññāṇassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca kho, bhikkhave, rūpassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo vedanāya… yo saññāya… yo saṅkhārānaṃ… yo viññāṇassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Dasamaṃ.
ઉપ્પાદસંયુત્તં સમત્તં.
Uppādasaṃyuttaṃ samattaṃ.
તસ્સુદ્દાનં –
Tassuddānaṃ –
ચક્ખુ રૂપઞ્ચ વિઞ્ઞાણં, ફસ્સો ચ વેદનાય ચ;
Cakkhu rūpañca viññāṇaṃ, phasso ca vedanāya ca;
સઞ્ઞા ચ ચેતના તણ્હા, ધાતુ ખન્ધેન તે દસાતિ.
Saññā ca cetanā taṇhā, dhātu khandhena te dasāti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. ઉપ્પાદસંયુત્તવણ્ણના • 5. Uppādasaṃyuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫. ઉપ્પાદસંયુત્તવણ્ણના • 5. Uppādasaṃyuttavaṇṇanā
