| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬. ખન્ધસુત્તવણ્ણના
6. Khandhasuttavaṇṇanā
૪૮. છટ્ઠે રૂપક્ખન્ધો કામાવચરો, ચત્તારો ખન્ધા ચતુભૂમકા. સાસવન્તિ આસવાનં આરમ્મણભાવેન પચ્ચયભૂતં. ઉપાદાનિયન્તિ તથેવ ચ ઉપાદાનાનં પચ્ચયભૂતં. વચનત્થો પનેત્થ – આરમ્મણં કત્વા પવત્તેહિ સહ આસવેહીતિ સાસવં. ઉપાદાતબ્બન્તિ ઉપાદાનિયં. ઇધાપિ રૂપક્ખન્ધો કામાવચરો, અવસેસા તેભૂમકા વિપસ્સનાચારવસેન વુત્તા. એવમેત્થ રૂપં રાસટ્ઠેન ખન્ધેસુ પવિટ્ઠં, સાસવરાસટ્ઠેન ઉપાદાનક્ખન્ધેસુ. વેદનાદયો સાસવાપિ અત્થિ, અનાસવાપિ અત્થિ. તે રાસટ્ઠેન સબ્બેપિ ખન્ધેસુ પવિટ્ઠા, તેભૂમકા પનેત્થ સાસવટ્ઠેન ઉપાદાનક્ખન્ધેસુ પવિટ્ઠાતિ. છટ્ઠં.
48. Chaṭṭhe rūpakkhandho kāmāvacaro, cattāro khandhā catubhūmakā. Sāsavanti āsavānaṃ ārammaṇabhāvena paccayabhūtaṃ. Upādāniyanti tatheva ca upādānānaṃ paccayabhūtaṃ. Vacanattho panettha – ārammaṇaṃ katvā pavattehi saha āsavehīti sāsavaṃ. Upādātabbanti upādāniyaṃ. Idhāpi rūpakkhandho kāmāvacaro, avasesā tebhūmakā vipassanācāravasena vuttā. Evamettha rūpaṃ rāsaṭṭhena khandhesu paviṭṭhaṃ, sāsavarāsaṭṭhena upādānakkhandhesu. Vedanādayo sāsavāpi atthi, anāsavāpi atthi. Te rāsaṭṭhena sabbepi khandhesu paviṭṭhā, tebhūmakā panettha sāsavaṭṭhena upādānakkhandhesu paviṭṭhāti. Chaṭṭhaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. ખન્ધસુત્તં • 6. Khandhasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. ખન્ધસુત્તવણ્ણના • 6. Khandhasuttavaṇṇanā
