| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૧૦. ખણિકકથાવણ્ણના
10. Khaṇikakathāvaṇṇanā
૯૦૬-૯૦૭. પથવિયાદિરૂપેસૂતિ અનેકકલાપસમુદાયભૂતેસુ સસમ્ભારપથવીઆદિરૂપેસુ. તત્થ હિ કેસુચિ પુરિમુપ્પન્નેસુ ઠિતેસુ કેસઞ્ચિ તદઞ્ઞેસં ઉપ્પાદો, તતો પુરિમન્તરુપ્પન્નાનં કેસઞ્ચિ નિરોધો હોતિ એકેકકલાપરૂપેસુ સમાનુપ્પાદનિરોધત્તા તેસં. એવં પતિટ્ઠાનન્તિ એવં વુત્તપ્પકારેન અસમાનુપ્પાદનિરોધેન પબન્ધેન પતિટ્ઠાનપવત્તીતિ અત્થો. સા પનાયં યથાવુત્તા પવત્તિ કસ્મા રૂપસન્તતિયા એવાતિ આહ ‘‘ન હિ રૂપાન’’ન્તિઆદિ. તસ્સત્થો – યદિ સબ્બે સઙ્ખતધમ્મા સમાનક્ખણા, તથા સતિ અરૂપસન્તતિયા વિય રૂપસન્તતિયાપિ અનન્તરાદિપચ્ચયેન વિધિના પવત્તિ સિયા, ન ચેતં અત્થિ. યદિ સિયા, ચિત્તક્ખણે ચિત્તક્ખણે પથવીઆદીનં ઉપ્પાદનિરોધેહિ ભવિતબ્બન્તિ.
906-907. Pathaviyādirūpesūti anekakalāpasamudāyabhūtesu sasambhārapathavīādirūpesu. Tattha hi kesuci purimuppannesu ṭhitesu kesañci tadaññesaṃ uppādo, tato purimantaruppannānaṃ kesañci nirodho hoti ekekakalāparūpesu samānuppādanirodhattā tesaṃ. Evaṃ patiṭṭhānanti evaṃ vuttappakārena asamānuppādanirodhena pabandhena patiṭṭhānapavattīti attho. Sā panāyaṃ yathāvuttā pavatti kasmā rūpasantatiyā evāti āha ‘‘na hi rūpāna’’ntiādi. Tassattho – yadi sabbe saṅkhatadhammā samānakkhaṇā, tathā sati arūpasantatiyā viya rūpasantatiyāpi anantarādipaccayena vidhinā pavatti siyā, na cetaṃ atthi. Yadi siyā, cittakkhaṇe cittakkhaṇe pathavīādīnaṃ uppādanirodhehi bhavitabbanti.
ખણિકકથાવણ્ણના નિટ્ઠિતા.
Khaṇikakathāvaṇṇanā niṭṭhitā.
બાવીસતિમવગ્ગવણ્ણના નિટ્ઠિતા.
Bāvīsatimavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૨૧૭) ૧૦. ખણિકકથા • (217) 10. Khaṇikakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. ખણિકકથાવણ્ણના • 10. Khaṇikakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૦. ખણિકકથાવણ્ણના • 10. Khaṇikakathāvaṇṇanā
