| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. க²தஸுத்தங்
9. Khatasuttaṃ
9. ‘‘தீஹி , பி⁴க்க²வே, த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி. கதமேஹி தீஹி? காயது³ச்சரிதேன, வசீது³ச்சரிதேன, மனோது³ச்சரிதேன. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி.
9. ‘‘Tīhi , bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Katamehi tīhi? Kāyaduccaritena, vacīduccaritena, manoduccaritena. Imehi kho, bhikkhave, tīhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati.
‘‘தீஹி , பி⁴க்க²வே, த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதி. கதமேஹி தீஹி? காயஸுசரிதேன, வசீஸுசரிதேன, மனோஸுசரிதேன. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதீ’’தி. நவமங்.
‘‘Tīhi , bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavati. Katamehi tīhi? Kāyasucaritena, vacīsucaritena, manosucaritena. Imehi kho, bhikkhave, tīhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavatī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. க²தஸுத்தவண்ணனா • 9. Khatasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-10. அயோனிஸோஸுத்தாதி³வண்ணனா • 5-10. Ayonisosuttādivaṇṇanā
