| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. ખત્તિયસુત્તવણ્ણના
4. Khattiyasuttavaṇṇanā
૧૪. ખેત્તતો વિવાદા સત્તે તાયતીતિ ખત્તિયો. વદતિ દેવતા અત્તનો અજ્ઝાસયવસેન. દ્વિપદાદીનન્તિ આદિ-સદ્દેન ચતુપ્પદભરિયપુત્તા ગહિતા. બુદ્ધાદયોતિ આદિ-સદ્દેન આજાનીયસુસ્સૂસભરિયસ્સવપુત્તા. દ્વિપદાનં સેટ્ઠોતિ એત્થ દ્વિપદાનં એવ સેટ્ઠોતિ નાયં નિયમો ઇચ્છિતો, સેટ્ઠો એવાતિ પન ઇચ્છિતો, તસ્મા સમ્બુદ્ધો દ્વિપદેસુ અઞ્ઞેસુ તત્થ ચ ઉપ્પજ્જનતો સેટ્ઠો એવ સબ્બેસમ્પિ ઉત્તરિતરસ્સ અભાવતોતિ અયમેત્થ અત્થો. તેનાહ ‘‘ઉપ્પજ્જમાનો પનેસા’’તિઆદિ. કારણાકારણં આજાનાતીતિ આજાનીયો. ગણ્હાપેથાતિ યથા ઉદકો ન તેમિસ્સતિ, એવં વાળં ગણ્હાપેથ. ‘‘અસુસ્સૂસા’’તિ કેચિ પઠન્તિ. આસુણમાનોતિ સપ્પટિસ્સવો હુત્વા વચનસમ્પટિચ્છકો.
14. Khettato vivādā satte tāyatīti khattiyo. Vadati devatā attano ajjhāsayavasena. Dvipadādīnanti ādi-saddena catuppadabhariyaputtā gahitā. Buddhādayoti ādi-saddena ājānīyasussūsabhariyassavaputtā. Dvipadānaṃ seṭṭhoti ettha dvipadānaṃ eva seṭṭhoti nāyaṃ niyamo icchito, seṭṭho evāti pana icchito, tasmā sambuddho dvipadesu aññesu tattha ca uppajjanato seṭṭho eva sabbesampi uttaritarassa abhāvatoti ayamettha attho. Tenāha ‘‘uppajjamāno panesā’’tiādi. Kāraṇākāraṇaṃ ājānātīti ājānīyo. Gaṇhāpethāti yathā udako na temissati, evaṃ vāḷaṃ gaṇhāpetha. ‘‘Asussūsā’’ti keci paṭhanti. Āsuṇamānoti sappaṭissavo hutvā vacanasampaṭicchako.
ખત્તિયસુત્તવણ્ણના નિટ્ઠિતા.
Khattiyasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. ખત્તિયસુત્તં • 4. Khattiyasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. ખત્તિયસુત્તવણ્ણના • 4. Khattiyasuttavaṇṇanā
