| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. கே²மகஸுத்தவண்ணனா
7. Khemakasuttavaṇṇanā
89. அத்தனியந்தி தி³ட்டி²க³திகபரிகப்பிதஸ்ஸ அத்தனோ ஸந்தகங். தேனாஹ ‘‘அத்தனோ பரிக்கா²ரஜாத’’ந்தி. தண்ஹாமானோ அதி⁴க³தோ அரஹத்தஸ்ஸ அனதி⁴க³தத்தா, நோ தி³ட்டி²மானோ அதி⁴க³தோ, ததா² காமராக³ப்³யாபாதா³பி. அனாகா³மீ கிர கே²மகத்தே²ரோ, ‘‘ஸகதா³கா³மீ’’தி கேசி வத³ந்தி. ஸந்தா⁴வனிகாயாதி ஸஞ்சரணேன. தேனாஹ ‘‘புனப்புனங் க³மனாக³மனேனா’’தி. சதுக்க²த்துங் க³மனாக³மனேனாதி சதுக்க²த்துங் க³மனேன ச ஆக³மனேன ச. தேனாஹ – ‘‘தங் தி³வஸங் த்³வியோஜனங் அத்³தா⁴னங் ஆஹிண்டீ³’’தி. ஞத்வாதி அஜ்ஜா²ஸயங் ஞத்வா. தே²ரோதி கே²மகத்தே²ரோ.
89.Attaniyanti diṭṭhigatikaparikappitassa attano santakaṃ. Tenāha ‘‘attano parikkhārajāta’’nti. Taṇhāmāno adhigato arahattassa anadhigatattā, no diṭṭhimāno adhigato, tathā kāmarāgabyāpādāpi. Anāgāmī kira khemakatthero, ‘‘sakadāgāmī’’ti keci vadanti. Sandhāvanikāyāti sañcaraṇena. Tenāha ‘‘punappunaṃ gamanāgamanenā’’ti. Catukkhattuṃ gamanāgamanenāti catukkhattuṃ gamanena ca āgamanena ca. Tenāha – ‘‘taṃ divasaṃ dviyojanaṃ addhānaṃ āhiṇḍī’’ti. Ñatvāti ajjhāsayaṃ ñatvā. Theroti khemakatthero.
ரூபமேவ அஸ்மீதி வத³தீதி ரூபக்க²ந்த⁴மேவ ‘‘அஸ்மீ’’தி கா³ஹஸ்ஸ வத்து²ங் கத்வா வத³தி. அதி⁴க³தோ தண்ஹாமானோ.
Rūpameva asmīti vadatīti rūpakkhandhameva ‘‘asmī’’ti gāhassa vatthuṃ katvā vadati. Adhigato taṇhāmāno.
அணுஸஹக³தோதி அணுபா⁴வங் க³தோ. தேனாஹ ‘‘ஸுகு²மோ’’தி. தயோ கா²ரா விய திஸ்ஸோ அனுபஸ்ஸனா சித்தஸங்கிலேஸஸ்ஸ விஸோத⁴னதோ. ஸீலக³ந்தா⁴தீ³ஹி கு³ணக³ந்தே⁴ஹி.
Aṇusahagatoti aṇubhāvaṃ gato. Tenāha ‘‘sukhumo’’ti. Tayo khārā viya tisso anupassanā cittasaṃkilesassa visodhanato. Sīlagandhādīhi guṇagandhehi.
கதே²துந்தி உத்³தே³ஸவஸேன கதே²துங். பகாஸேதுந்தி நித்³தே³ஸவஸேன தமத்த²ங் பகாஸேதுங். ஜானாபேதுந்தி காரணவஸேன ஜானாபேதுங். பதிட்டா²பேதுந்தி கதா²பேதுங். விவடங் காதுந்தி உதா³ஹரணங் வண்ணெத்வா பாகடங் காதுங் . ஸுவிப⁴த்தங் காதுந்தி அன்வயதோ ப்³யதிரேகதோ ஸுட்டு², விப⁴த்தங் காதுங். உத்தானகங் காதுந்தி உபனயனிக³மேஹி தமத்த²ங் விபூ⁴தங் காதுங். அஞ்ஞேன நீஹாரேனாதி விபஸ்ஸனாவிமுத்தேன சித்தாபி⁴னீஹாரேன.
Kathetunti uddesavasena kathetuṃ. Pakāsetunti niddesavasena tamatthaṃ pakāsetuṃ. Jānāpetunti kāraṇavasena jānāpetuṃ. Patiṭṭhāpetunti kathāpetuṃ. Vivaṭaṃ kātunti udāharaṇaṃ vaṇṇetvā pākaṭaṃ kātuṃ . Suvibhattaṃ kātunti anvayato byatirekato suṭṭhu, vibhattaṃ kātuṃ. Uttānakaṃ kātunti upanayanigamehi tamatthaṃ vibhūtaṃ kātuṃ. Aññena nīhārenāti vipassanāvimuttena cittābhinīhārena.
கே²மகஸுத்தவண்ணனா நிட்டி²தா.
Khemakasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. கே²மகஸுத்தங் • 7. Khemakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. கே²மகஸுத்தவண்ணனா • 7. Khemakasuttavaṇṇanā
