| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. ખેમકસુત્તવણ્ણના
7. Khemakasuttavaṇṇanā
૮૯. અત્તનિયન્તિ દિટ્ઠિગતિકપરિકપ્પિતસ્સ અત્તનો સન્તકં. તેનાહ ‘‘અત્તનો પરિક્ખારજાત’’ન્તિ. તણ્હામાનો અધિગતો અરહત્તસ્સ અનધિગતત્તા, નો દિટ્ઠિમાનો અધિગતો, તથા કામરાગબ્યાપાદાપિ. અનાગામી કિર ખેમકત્થેરો, ‘‘સકદાગામી’’તિ કેચિ વદન્તિ. સન્ધાવનિકાયાતિ સઞ્ચરણેન. તેનાહ ‘‘પુનપ્પુનં ગમનાગમનેના’’તિ. ચતુક્ખત્તું ગમનાગમનેનાતિ ચતુક્ખત્તું ગમનેન ચ આગમનેન ચ. તેનાહ – ‘‘તં દિવસં દ્વિયોજનં અદ્ધાનં આહિણ્ડી’’તિ. ઞત્વાતિ અજ્ઝાસયં ઞત્વા. થેરોતિ ખેમકત્થેરો.
89.Attaniyanti diṭṭhigatikaparikappitassa attano santakaṃ. Tenāha ‘‘attano parikkhārajāta’’nti. Taṇhāmāno adhigato arahattassa anadhigatattā, no diṭṭhimāno adhigato, tathā kāmarāgabyāpādāpi. Anāgāmī kira khemakatthero, ‘‘sakadāgāmī’’ti keci vadanti. Sandhāvanikāyāti sañcaraṇena. Tenāha ‘‘punappunaṃ gamanāgamanenā’’ti. Catukkhattuṃ gamanāgamanenāti catukkhattuṃ gamanena ca āgamanena ca. Tenāha – ‘‘taṃ divasaṃ dviyojanaṃ addhānaṃ āhiṇḍī’’ti. Ñatvāti ajjhāsayaṃ ñatvā. Theroti khemakatthero.
રૂપમેવ અસ્મીતિ વદતીતિ રૂપક્ખન્ધમેવ ‘‘અસ્મી’’તિ ગાહસ્સ વત્થું કત્વા વદતિ. અધિગતો તણ્હામાનો.
Rūpameva asmīti vadatīti rūpakkhandhameva ‘‘asmī’’ti gāhassa vatthuṃ katvā vadati. Adhigato taṇhāmāno.
અણુસહગતોતિ અણુભાવં ગતો. તેનાહ ‘‘સુખુમો’’તિ. તયો ખારા વિય તિસ્સો અનુપસ્સના ચિત્તસંકિલેસસ્સ વિસોધનતો. સીલગન્ધાદીહિ ગુણગન્ધેહિ.
Aṇusahagatoti aṇubhāvaṃ gato. Tenāha ‘‘sukhumo’’ti. Tayo khārā viya tisso anupassanā cittasaṃkilesassa visodhanato. Sīlagandhādīhi guṇagandhehi.
કથેતુન્તિ ઉદ્દેસવસેન કથેતું. પકાસેતુન્તિ નિદ્દેસવસેન તમત્થં પકાસેતું. જાનાપેતુન્તિ કારણવસેન જાનાપેતું. પતિટ્ઠાપેતુન્તિ કથાપેતું. વિવટં કાતુન્તિ ઉદાહરણં વણ્ણેત્વા પાકટં કાતું . સુવિભત્તં કાતુન્તિ અન્વયતો બ્યતિરેકતો સુટ્ઠુ, વિભત્તં કાતું. ઉત્તાનકં કાતુન્તિ ઉપનયનિગમેહિ તમત્થં વિભૂતં કાતું. અઞ્ઞેન નીહારેનાતિ વિપસ્સનાવિમુત્તેન ચિત્તાભિનીહારેન.
Kathetunti uddesavasena kathetuṃ. Pakāsetunti niddesavasena tamatthaṃ pakāsetuṃ. Jānāpetunti kāraṇavasena jānāpetuṃ. Patiṭṭhāpetunti kathāpetuṃ. Vivaṭaṃ kātunti udāharaṇaṃ vaṇṇetvā pākaṭaṃ kātuṃ . Suvibhattaṃ kātunti anvayato byatirekato suṭṭhu, vibhattaṃ kātuṃ. Uttānakaṃ kātunti upanayanigamehi tamatthaṃ vibhūtaṃ kātuṃ. Aññena nīhārenāti vipassanāvimuttena cittābhinīhārena.
ખેમકસુત્તવણ્ણના નિટ્ઠિતા.
Khemakasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. ખેમકસુત્તં • 7. Khemakasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. ખેમકસુત્તવણ્ણના • 7. Khemakasuttavaṇṇanā
