| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. கே²மஸுத்தங்
7. Khemasuttaṃ
49. ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா ச கே²மோ ஆயஸ்மா ச ஸுமனோ ஸாவத்தி²யங் விஹரந்தி அந்த⁴வனஸ்மிங். அத² கோ² ஆயஸ்மா ச கே²மோ ஆயஸ்மா ச ஸுமனோ யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னோ கோ² ஆயஸ்மா கே²மோ ப⁴க³வந்தங் ஏதத³வோச –
49. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā ca khemo āyasmā ca sumano sāvatthiyaṃ viharanti andhavanasmiṃ. Atha kho āyasmā ca khemo āyasmā ca sumano yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā khemo bhagavantaṃ etadavoca –
‘‘யோ ஸோ, ப⁴ந்தே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ தஸ்ஸ ந ஏவங் ஹோதி – ‘அத்தி² மே ஸெய்யோதி வா அத்தி² மே ஸதி³ஸோதி வா அத்தி² மே ஹீனோதி வா’’’தி. இத³மவோசாயஸ்மா கே²மோ. ஸமனுஞ்ஞோ ஸத்தா² அஹோஸி. அத² கோ² ஆயஸ்மா கே²மோ ‘‘ஸமனுஞ்ஞோ மே ஸத்தா²’’தி உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.
‘‘Yo so, bhante, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto tassa na evaṃ hoti – ‘atthi me seyyoti vā atthi me sadisoti vā atthi me hīnoti vā’’’ti. Idamavocāyasmā khemo. Samanuñño satthā ahosi. Atha kho āyasmā khemo ‘‘samanuñño me satthā’’ti uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
அத² கோ² ஆயஸ்மா ஸுமனோ அசிரபக்கந்தே ஆயஸ்மந்தே கே²மே ப⁴க³வந்தங் ஏதத³வோச – ‘‘யோ ஸோ, ப⁴ந்தே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ தஸ்ஸ ந ஏவங் ஹோதி – ‘நத்தி² மே ஸெய்யோதி வா நத்தி² மே ஸதி³ஸோதி வா நத்தி² மே ஹீனோதி வா’’’தி. இத³மவோசாயஸ்மா ஸுமனோ. ஸமனுஞ்ஞோ ஸத்தா² அஹோஸி. அத² கோ² ஆயஸ்மா ஸுமனோ ‘‘ஸமனுஞ்ஞோ மே ஸத்தா²’’தி உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.
Atha kho āyasmā sumano acirapakkante āyasmante kheme bhagavantaṃ etadavoca – ‘‘yo so, bhante, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto tassa na evaṃ hoti – ‘natthi me seyyoti vā natthi me sadisoti vā natthi me hīnoti vā’’’ti. Idamavocāyasmā sumano. Samanuñño satthā ahosi. Atha kho āyasmā sumano ‘‘samanuñño me satthā’’ti uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
அத² கோ² ப⁴க³வா அசிரபக்கந்தேஸு ஆயஸ்மந்தே ச கே²மே ஆயஸ்மந்தே ச ஸுமனே பி⁴க்கூ² ஆமந்தேஸி – ‘‘ஏவங் கோ², பி⁴க்க²வே, குலபுத்தா அஞ்ஞங் ப்³யாகரொந்தி . அத்தோ² ச வுத்தோ அத்தா ச அனுபனீதோ. அத² ச பன இதே⁴கச்சே மோக⁴புரிஸா ஹஸமானகா 1 மஞ்ஞே அஞ்ஞங் ப்³யாகரொந்தி. தே பச்சா² விகா⁴தங் ஆபஜ்ஜந்தீ’’தி.
Atha kho bhagavā acirapakkantesu āyasmante ca kheme āyasmante ca sumane bhikkhū āmantesi – ‘‘evaṃ kho, bhikkhave, kulaputtā aññaṃ byākaronti . Attho ca vutto attā ca anupanīto. Atha ca pana idhekacce moghapurisā hasamānakā 2 maññe aññaṃ byākaronti. Te pacchā vighātaṃ āpajjantī’’ti.
கீ²ணா ஜாதி வுஸிதங் ப்³ரஹ்மசரியங், சரந்தி ஸங்யோஜனவிப்பமுத்தா’’தி. ஸத்தமங்;
Khīṇā jāti vusitaṃ brahmacariyaṃ, caranti saṃyojanavippamuttā’’ti. sattamaṃ;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. கே²மஸுத்தவண்ணனா • 7. Khemasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. கே²மஸுத்தவண்ணனா • 7. Khemasuttavaṇṇanā
