| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. அப்³யாகதஸங்யுத்தங்
10. Abyākatasaṃyuttaṃ
1. கே²மாஸுத்தவண்ணனா
1. Khemāsuttavaṇṇanā
410. பி³ம்பி³ஸாரஸ்ஸ உபாஸிகாதி பி³ம்பி³ஸாரஸ்ஸ ஓரோத⁴பூ⁴தா உபாஸிகா. பண்டி³ச்சங் ஸிக்கி²தபா⁴வேன. வெய்யத்தியங் விஸாரத³பா⁴வேன. விஸாரதா³ நாம திஹேதுகபடிஸந்தி⁴ஸித்³த⁴ஸாபா⁴விகபஞ்ஞா, தாய ஸமன்னாக³தா.
410.Bimbisārassaupāsikāti bimbisārassa orodhabhūtā upāsikā. Paṇḍiccaṃ sikkhitabhāvena. Veyyattiyaṃ visāradabhāvena. Visāradā nāma tihetukapaṭisandhisiddhasābhāvikapaññā, tāya samannāgatā.
அச்சி²த்³த³கக³ணனாய குஸலோதி நவந்தக³ணனாய குஸலோ. அங்கு³லிமுத்³தா³ய க³ணனாய குஸலோதி அங்கு³லிகாய ஏவ க³ணனாய குஸலோ ஸெய்யதா²பி பாத³ஸிகா. பிண்ட³க³ணனாயாதி ஸங்கலனபடுப்பன்னகாரினோ பிண்ட³வஸேன க³ணனா. ததா²க³தோதி கீ²ணாஸவோ, ததா²க³தங் ஸந்தா⁴ய புச்ச²தீதி கீ²ணாஸவோதி சஸ்ஸ அரஹத்தப²லவஸிபா⁴விதக²ந்தே⁴ உபாதா³ய அயங் பஞ்ஞத்தி ஹோதி. தேஸு க²ந்தே⁴ஸு ஸதி கீ²ணாஸவா ஸத்தஸங்கா²தா ஹொந்தீதி வோஹாரேன பஞ்ஞபேதுங் ஸக்கா ப⁴வெய்ய, அஸந்தேஸு ந ஸக்கா, தஸ்மா பரங் மரணாதி வுத்தத்தா தேஸங் அபா⁴வா ‘‘அப்³யாகதமேத’’ந்தி வுத்தங். யதி³ ஏவங் தேஸங் அபா⁴வதோ ‘‘ந ஹோதி ததா²க³தோ பரங் மரணா’’தி புட்டா²ய ‘‘ஆமா’’தி படிஜானிதப்³பா³ ஸியா, தங் பன ஸத்தஸங்கா²தஸ்ஸ புச்சி²தத்தா ந படிஞ்ஞாதந்தி த³ட்ட²ப்³ப³ங். யேன ரூபேனாதி ஸத்தததா²க³தே வுத்தரூபங் ஸப்³ப³ஞ்ஞுததா²க³தே படிக்கி²பிதுங் ‘‘தங் ரூப’’ந்திஆதி³ வுத்தங். யங் உபாதா³யாதி யங் க²ந்த⁴பஞ்சகங் உபாதா³ய. தத³பா⁴வேனாதி தஸ்ஸ க²ந்த⁴பஞ்சகஸ்ஸ அபா⁴வேன. தஸ்ஸா பஞ்ஞத்தியாதி ஸத்தபஞ்ஞத்தியா அபா⁴வங். நிருத்³த⁴ங் ந நித³ஸ்ஸேதி.
Acchiddakagaṇanāya kusaloti navantagaṇanāya kusalo. Aṅgulimuddāya gaṇanāya kusaloti aṅgulikāya eva gaṇanāya kusalo seyyathāpi pādasikā. Piṇḍagaṇanāyāti saṅkalanapaṭuppannakārino piṇḍavasena gaṇanā. Tathāgatoti khīṇāsavo, tathāgataṃ sandhāya pucchatīti khīṇāsavoti cassa arahattaphalavasibhāvitakhandhe upādāya ayaṃ paññatti hoti. Tesu khandhesu sati khīṇāsavā sattasaṅkhātā hontīti vohārena paññapetuṃ sakkā bhaveyya, asantesu na sakkā, tasmā paraṃ maraṇāti vuttattā tesaṃ abhāvā ‘‘abyākatameta’’nti vuttaṃ. Yadi evaṃ tesaṃ abhāvato ‘‘na hoti tathāgato paraṃ maraṇā’’ti puṭṭhāya ‘‘āmā’’ti paṭijānitabbā siyā, taṃ pana sattasaṅkhātassa pucchitattā na paṭiññātanti daṭṭhabbaṃ. Yena rūpenāti sattatathāgate vuttarūpaṃ sabbaññutathāgate paṭikkhipituṃ ‘‘taṃ rūpa’’ntiādi vuttaṃ. Yaṃ upādāyāti yaṃ khandhapañcakaṃ upādāya. Tadabhāvenāti tassa khandhapañcakassa abhāvena. Tassā paññattiyāti sattapaññattiyā abhāvaṃ. Niruddhaṃ na nidasseti.
கே²மாய தே²ரியா வுத்தங் பட²மங் ஸுத்தங் ப⁴க³வதோ ஸெட்ட²த்த²தீ³பனதோ அக்³க³பதா³வசரங்வ ஹோதீதி வுத்தங் ‘‘அக்³க³பத³ஸ்மி’’ந்தி.
Khemāya theriyā vuttaṃ paṭhamaṃ suttaṃ bhagavato seṭṭhatthadīpanato aggapadāvacaraṃva hotīti vuttaṃ ‘‘aggapadasmi’’nti.
கே²மாஸுத்தவண்ணனா நிட்டி²தா.
Khemāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. கே²மாஸுத்தங் • 1. Khemāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. கே²மாஸுத்தவண்ணனா • 1. Khemāsuttavaṇṇanā
