| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. கெ²த்தூபமஸுத்தவண்ணனா
7. Khettūpamasuttavaṇṇanā
359. த²த்³த⁴ந்தி கதி²னங் லூக²ங். ஊஸரந்தி ஊஸஜாதங். சதூஹிபி ஓகே⁴ஹி அனபி⁴ப⁴வனீயதாய அஹங் தீ³போ. ஸப்³ப³பரிஸ்ஸயேஹி அனபி⁴ப⁴வனீயதாய அஹங் லேணோ. ஸப்³ப³து³க்க²பரித்தாஸனதோ தாயனட்டே²ன அஹங் தாணங். ஸப்³ப³ப⁴யஹிங்ஸனதோ அஹங் ஸரணந்தி யோஜேதப்³ப³ங்.
359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.
உத³கமணிகோதி மஹந்தங் உத³கபா⁴ஜனங். ப³ஹி விஸ்ஸந்த³னவஸேன உத³கங் ந ஹரதீதி அஹாரீ, பரிதோ ந பக்³க⁴ரதீதி அபரிஹாரீ. ஸக்கச்சமேவ தே³ஸெந்தி ஸத்³த⁴ம்மகா³ரவஸ்ஸ ஸப்³ப³ஸத்தேஸு மஹாகருணாய ச பு³த்³தா⁴னங் ஸமானரஸத்தா. சதஸ்ஸோ பன பரிஸா ஸத்து²கா³ரவேன அத்தனோ ச ஸத்³தா⁴ஸம்பன்னதாய ஸத்³த³ஹித்வா ஓகப்பெத்வா ஸுணந்தி, தஸ்மா தா தே³ஸனாப²லேன யுஜ்ஜந்தி. கிச்சஸித்³தி⁴யா ஸத்து² தே³ஸனா தத்த² ஸக்கச்சதே³ஸனா நாம ஜாதா.
Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.
கெ²த்தூபமஸுத்தவண்ணனா நிட்டி²தா.
Khettūpamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. கெ²த்தூபமஸுத்தங் • 7. Khettūpamasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. கெ²த்தூபமஸுத்தவண்ணனா • 7. Khettūpamasuttavaṇṇanā
