| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪-૬. ખીરરુક્ખોપમસુત્તાદિવણ્ણના
4-6. Khīrarukkhopamasuttādivaṇṇanā
૨૩૧-૨૩૩. અપ્પહીનટ્ઠેનાતિ મગ્ગેન અસમુગ્ઘાટિતભાવેન. અત્થીતિ વિજ્જતિ. સતિ પચ્ચયે વિજ્જમાનકિચ્ચકરણતો પરિયુટ્ઠાનં અપ્પકં મૂસિકાવિસં વિય પરિત્તં નામ હોતિ અપ્પાનુભાવત્તા. એવરૂપાપીતિ અપ્પકાપિ. અસ્સાતિ અપ્પહીનકિલેસસ્સ. અધિમત્તાનન્તિ ઇટ્ઠાનં રજનીયાનં, વત્થુવસેન પરિત્તકમ્પિ ઇટ્ઠારમ્મણં અધિમત્તમેવ. તેનાહ ‘‘નખપિટ્ઠિપ્પમાણમ્પી’’તિઆદિ. દહરોતિઆદીનિ તીણિપિ પદાનિ. આભિન્દેય્યાતિ ભિન્દેય્ય. તં ઉભયન્તિ તં ચક્ખુરૂપન્તિ ઉભયમ્પિ આયતનં.
231-233.Appahīnaṭṭhenāti maggena asamugghāṭitabhāvena. Atthīti vijjati. Sati paccaye vijjamānakiccakaraṇato pariyuṭṭhānaṃ appakaṃ mūsikāvisaṃ viya parittaṃ nāma hoti appānubhāvattā. Evarūpāpīti appakāpi. Assāti appahīnakilesassa. Adhimattānanti iṭṭhānaṃ rajanīyānaṃ, vatthuvasena parittakampi iṭṭhārammaṇaṃ adhimattameva. Tenāha ‘‘nakhapiṭṭhippamāṇampī’’tiādi. Daharotiādīni tīṇipi padāni. Ābhindeyyāti bhindeyya. Taṃ ubhayanti taṃ cakkhurūpanti ubhayampi āyatanaṃ.
ખીરરુક્ખોપમસુત્તાદિવણ્ણના નિટ્ઠિતા.
Khīrarukkhopamasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૪. ખીરરુક્ખોપમસુત્તં • 4. Khīrarukkhopamasuttaṃ
૫. કોટ્ઠિકસુત્તં • 5. Koṭṭhikasuttaṃ
૬. કામભૂસુત્તં • 6. Kāmabhūsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪-૬. ખીરરુક્ખોપમસુત્તાદિવણ્ણના • 4-6. Khīrarukkhopamasuttādivaṇṇanā
