| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૧૦. ખોમદાયકત્થેરઅપદાનવણ્ણના
10. Khomadāyakattheraapadānavaṇṇanā
નગરે બન્ધુમતિયાતિઆદિકં આયસ્મતો ખોમદાયકત્થેરસ્સ અપદાનં. અયમ્પિ પુરિમબુદ્ધેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો વિપસ્સિસ્સ ભગવતો કાલે એકસ્મિં કુલગેહે નિબ્બત્તો વયપ્પત્તો સાસને અભિપ્પસન્નો રતનત્તયમામકો વિપસ્સિસ્સ ભગવતો સન્તિકે ધમ્મં સુત્વા પસન્નમાનસો ખોમદુસ્સેન પૂજં અકાસિ. સો તદેવ મૂલં કત્વા યાવજીવં પુઞ્ઞાનિ કત્વા તતો દેવલોકે નિબ્બત્તો. છસુ દેવેસુ અપરાપરં દિબ્બસુખં અનુભવિત્વા તતો ચવિત્વા મનુસ્સલોકે ચક્કવત્તિઆદિઅનેકવિધમનુસ્સસમ્પત્તિં અનુભવિત્વા પરિપાકગતે પુઞ્ઞસમ્ભારે ઇમસ્મિં બુદ્ધુપ્પાદે કુલગેહે નિબ્બત્તો વયપ્પત્તો સત્થુ સન્તિકે ધમ્મં સુત્વા પટિલદ્ધસદ્ધો પબ્બજિત્વા વિપસ્સનં વડ્ઢેત્વા નચિરસ્સેવ અરહત્તં પાપુણિ. કતપુઞ્ઞનામેન ખોમદાયકત્થેરોતિ પાકટો.
Nagare bandhumatiyātiādikaṃ āyasmato khomadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto vayappatto sāsane abhippasanno ratanattayamāmako vipassissa bhagavato santike dhammaṃ sutvā pasannamānaso khomadussena pūjaṃ akāsi. So tadeva mūlaṃ katvā yāvajīvaṃ puññāni katvā tato devaloke nibbatto. Chasu devesu aparāparaṃ dibbasukhaṃ anubhavitvā tato cavitvā manussaloke cakkavattiādianekavidhamanussasampattiṃ anubhavitvā paripākagate puññasambhāre imasmiṃ buddhuppāde kulagehe nibbatto vayappatto satthu santike dhammaṃ sutvā paṭiladdhasaddho pabbajitvā vipassanaṃ vaḍḍhetvā nacirasseva arahattaṃ pāpuṇi. Katapuññanāmena khomadāyakattheroti pākaṭo.
૧૮૪. સો અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં દસ્સેન્તો નગરે બન્ધુમતિયાતિઆદિમાહ. તત્થ બન્ધુ વુચ્ચતિ ઞાતકો, તે બન્ધૂ યસ્મિં નગરે અઞ્ઞમઞ્ઞં સઙ્ઘટિતા વસન્તિ, તં નગરં ‘‘બન્ધુમતી’’તિ વુચ્ચતિ. રોપેમિ બીજસમ્પદન્તિ દાનસીલાદિપુઞ્ઞબીજસમ્પત્તિં રોપેમિ પટ્ઠપેમીતિ અત્થો.
184. So attano pubbakammaṃ saritvā somanassajāto pubbacaritāpadānaṃ dassento nagare bandhumatiyātiādimāha. Tattha bandhu vuccati ñātako, te bandhū yasmiṃ nagare aññamaññaṃ saṅghaṭitā vasanti, taṃ nagaraṃ ‘‘bandhumatī’’ti vuccati. Ropemi bījasampadanti dānasīlādipuññabījasampattiṃ ropemi paṭṭhapemīti attho.
ખોમદાયકત્થેરઅપદાનવણ્ણના સમત્તા.
Khomadāyakattheraapadānavaṇṇanā samattā.
તતિયસ્સ સુભૂતિવગ્ગસ્સ વણ્ણના સમત્તા.
Tatiyassa subhūtivaggassa vaṇṇanā samattā.
ચતુભાણવારવણ્ણના નિટ્ઠિતા.
Catubhāṇavāravaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૧૦. ખોમદાયકત્થેરઅપદાનં • 10. Khomadāyakattheraapadānaṃ
