| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૧૯. એકૂનવીસતિમવગ્ગો
19. Ekūnavīsatimavaggo
૧. કિલેસપજહનકથાવણ્ણના
1. Kilesapajahanakathāvaṇṇanā
૮૨૮-૮૩૧. ઇદાનિ કિલેસપજહનકથા નામ હોતિ. તત્થ ‘‘યસ્મા કિલેસપહાનં નામ અત્થિ, પહીનકિલેસસ્સ ચ અતીતાપિ કિલેસા પહીનાવ હોન્તિ, અનાગતાપિ, પચ્ચુપ્પન્નાપિ, તસ્મા અતીતેપિ કિલેસે પજહતિ, અનાગતેપિ, પચ્ચુપ્પન્નેપી’’તિ યેસં લદ્ધિ, સેય્યથાપિ એકચ્ચાનં ઉત્તરાપથકાનં; તે સન્ધાય અતીતેતિઆદિપુચ્છા સકવાદિસ્સ, પટિઞ્ઞા ઇતરસ્સ . સેસં યથાપાળિમેવ નિય્યાતિ. નત્થિ કિલેસે જહતીતિ ઇમસ્મિં પન પરવાદિસ્સ પઞ્હે યસ્મા કચવરં પજહન્તસ્સ કચવરે છડ્ડનવાયામો વિય કિલેસે પજહન્તસ્સ ન અતીતાદિભેદેસુ કિલેસેસુ વાયામો અત્થિ, નિબ્બાનારમ્મણે પન અરિયમગ્ગે પવત્તિતે કિલેસા અનુપ્પન્નાયેવ નુપ્પજ્જન્તીતિ પહીના નામ હોન્તિ, તસ્મા ન હેવન્તિ પટિક્ખિપતિ. તેન હિ અતીતે કિલેસે પજહતીતિઆદિ પન યસ્મા ‘‘નત્થિ કિલેસપજહના’’તિ ન વત્તબ્બં, તસ્મા અતીતાદિભેદે પજહતીતિ છલેન વુત્તં.
828-831. Idāni kilesapajahanakathā nāma hoti. Tattha ‘‘yasmā kilesapahānaṃ nāma atthi, pahīnakilesassa ca atītāpi kilesā pahīnāva honti, anāgatāpi, paccuppannāpi, tasmā atītepi kilese pajahati, anāgatepi, paccuppannepī’’ti yesaṃ laddhi, seyyathāpi ekaccānaṃ uttarāpathakānaṃ; te sandhāya atītetiādipucchā sakavādissa, paṭiññā itarassa . Sesaṃ yathāpāḷimeva niyyāti. Natthi kilese jahatīti imasmiṃ pana paravādissa pañhe yasmā kacavaraṃ pajahantassa kacavare chaḍḍanavāyāmo viya kilese pajahantassa na atītādibhedesu kilesesu vāyāmo atthi, nibbānārammaṇe pana ariyamagge pavattite kilesā anuppannāyeva nuppajjantīti pahīnā nāma honti, tasmā na hevanti paṭikkhipati. Tena hi atīte kilese pajahatītiādi pana yasmā ‘‘natthi kilesapajahanā’’ti na vattabbaṃ, tasmā atītādibhede pajahatīti chalena vuttaṃ.
કિલેસપજહનકથાવણ્ણના.
Kilesapajahanakathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૮૬) ૧. કિલેસજહનકથા • (186) 1. Kilesajahanakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧. કિલેસપજહનકથાવણ્ણના • 1. Kilesapajahanakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧. કિલેસપજહનકથાવણ્ણના • 1. Kilesapajahanakathāvaṇṇanā
