| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
4. கோத⁴க³ருஸுத்தங்
4. Kodhagarusuttaṃ
84. ‘‘சதூஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் நிரயே. கதமேஹி சதூஹி? கோத⁴க³ரு ஹோதி ந ஸத்³த⁴ம்மக³ரு, மக்க²க³ரு ஹோதி ந ஸத்³த⁴ம்மக³ரு, லாப⁴க³ரு ஹோதி ந ஸத்³த⁴ம்மக³ரு, ஸக்காரக³ரு ஹோதி ந ஸத்³த⁴ம்மக³ரு – இமேஹி கோ², பி⁴க்க²வே, சதூஹி த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் நிரயே.
84. ‘‘Catūhi, bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Kodhagaru hoti na saddhammagaru, makkhagaru hoti na saddhammagaru, lābhagaru hoti na saddhammagaru, sakkāragaru hoti na saddhammagaru – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘சதூஹி , பி⁴க்க²வே, த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் ஸக்³கே³. கதமேஹி சதூஹி? ஸத்³த⁴ம்மக³ரு ஹோதி ந கோத⁴க³ரு, ஸத்³த⁴ம்மக³ரு ஹோதி ந மக்க²க³ரு, ஸத்³த⁴ம்மக³ரு ஹோதி ந லாப⁴க³ரு, ஸத்³த⁴ம்மக³ரு ஹோதி ந ஸக்காரக³ரு – இமேஹி கோ², பி⁴க்க²வே, சதூஹி த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் ஸக்³கே³’’தி. சதுத்த²ங்.
‘‘Catūhi , bhikkhave, dhammehi samannāgato yathābhataṃ nikkhitto evaṃ sagge. Katamehi catūhi? Saddhammagaru hoti na kodhagaru, saddhammagaru hoti na makkhagaru, saddhammagaru hoti na lābhagaru, saddhammagaru hoti na sakkāragaru – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1-5. பாணாதிபாதாதி³ஸுத்தபஞ்சகவண்ணனா • 1-5. Pāṇātipātādisuttapañcakavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-6. பாணாதிபாதஸுத்தாதி³வண்ணனா • 1-6. Pāṇātipātasuttādivaṇṇanā
