| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. கோகாலிகஸுத்தவண்ணனா
10. Kokālikasuttavaṇṇanā
181. த்³வே கோகாலிகனாமகா பி⁴க்கூ², ததோ இத⁴ அதி⁴ப்பேதங் நித்³தா⁴ரெத்வா த³ஸ்ஸேதுங் – ‘‘கோ அயங் கோகாலிகோ’’தி? புச்சா². ஸுத்தஸ்ஸ அட்டு²ப்பத்திங் த³ஸ்ஸேதுங் – ‘‘கஸ்மா ச உபஸங்கமீ’’தி? புச்சா² . அயங் கிராதிஆதி³ யதா²க்கமங் தாஸங் விஸ்ஸஜ்ஜனங். விவேகவாஸங் வஸிதுகாமத்தா அப்பிச்ச²தாய ச மா கஸ்ஸசி…பே॰… வஸிங்ஸு.
181. Dve kokālikanāmakā bhikkhū, tato idha adhippetaṃ niddhāretvā dassetuṃ – ‘‘ko ayaṃ kokāliko’’ti? Pucchā. Suttassa aṭṭhuppattiṃ dassetuṃ – ‘‘kasmā ca upasaṅkamī’’ti? Pucchā . Ayaṃ kirātiādi yathākkamaṃ tāsaṃ vissajjanaṃ. Vivekavāsaṃ vasitukāmattā appicchatāya ca mā kassaci…pe… vasiṃsu.
பக்கமிஸ்ஸந்தீதி ஆகா⁴தங் உப்பாதே³ஸி அத்தனோ இச்சா²விகா⁴தனதோ. தே²ரா பி⁴க்கு²ஸங்க⁴ஸ்ஸ நிய்யாத³யிங்ஸு பயுத்தவாசாய அகதத்தா தே²ரேஹி ச அதீ³பிதத்தா. புப்³பே³பி…பே॰… மஞ்ஞேதி இமினா தே²ரானங் கோஹஞ்ஞே டி²தபா⁴வங் ஆஸங்கதி அவணே வணங் பஸ்ஸந்தோ விய, ஸுத்³தே⁴ ஆதா³ஸதலே லேக²ங் உட்டா²பெந்தோ விய ச.
Pakkamissantīti āghātaṃ uppādesi attano icchāvighātanato. Therā bhikkhusaṅghassa niyyādayiṃsu payuttavācāya akatattā therehi ca adīpitattā. Pubbepi…pe… maññeti iminā therānaṃ kohaññe ṭhitabhāvaṃ āsaṅkati avaṇe vaṇaṃ passanto viya, suddhe ādāsatale lekhaṃ uṭṭhāpento viya ca.
அபரஜ்ஜி²த்வாதி ப⁴க³வதோ ஸம்முகா² ‘‘பாபபி⁴க்கூ² ஜாதா’’தி வத்வா. ஆஹ ‘‘ஸத்³தா⁴ய ஆகரோ பஸாதா³வஹோ’’தி. பவத்தஸத்³தா⁴யிகோ வாதி அத்தோ²தி ஆஹ ‘‘ஸத்³தா⁴தப்³ப³வசனோ’’தி.
Aparajjhitvāti bhagavato sammukhā ‘‘pāpabhikkhū jātā’’ti vatvā. Āha ‘‘saddhāya ākaro pasādāvaho’’ti. Pavattasaddhāyiko vāti atthoti āha ‘‘saddhātabbavacano’’ti.
பீளகா நாம பா³ஹிரதோ பட்டா²ய அட்டி²ங் பி⁴ந்த³தி, இமா பன பட²மங்யேவ அட்டி²ங் பி⁴ந்தி³த்வா உக்³க³தா. தருணபே³லுவமத்தியோதி தருணபி³ல்லப²லமத்தியோ. விஸகி³லிதோதி கி²த்தபஹரணோ. தஞ்ச ப³ளிஸங் விஸஸமஞ்ஞா லோகே. ‘‘ஆரக்க²தே³வதானங் ஸுத்வா’’தி பத³ங் ஆனெத்வா ஸம்ப³ந்தோ⁴.
Pīḷakā nāma bāhirato paṭṭhāya aṭṭhiṃ bhindati, imā pana paṭhamaṃyeva aṭṭhiṃ bhinditvā uggatā. Taruṇabeluvamattiyoti taruṇabillaphalamattiyo. Visagilitoti khittapaharaṇo. Tañca baḷisaṃ visasamaññā loke. ‘‘Ārakkhadevatānaṃ sutvā’’ti padaṃ ānetvā sambandho.
மக³த⁴ரட்டே² ஸங்வோஹாரதோ மாக³த⁴கோ பத்தோ, தேன. திலஸகடங் திலவாஹாஏதி வுத்தோ. பச்சிதப்³ப³ட்டா²னஸ்ஸாதி நிரயது³க்கே²ன பச்சிதப்³ப³பதே³ஸஸ்ஸ. ஏதங் ‘‘அப்³பு³தோ³’’தி நாமங்.
Magadharaṭṭhe saṃvohārato māgadhako patto, tena. Tilasakaṭaṃ tilavāhāeti vutto. Paccitabbaṭṭhānassāti nirayadukkhena paccitabbapadesassa. Etaṃ ‘‘abbudo’’ti nāmaṃ.
வஸ்ஸக³ணனாதி ஏகதோ பட்டா²ய த³ஸகு³ணிதங் அப்³பு³த³ஆயும்ஹி, ததோ பரங் வீஸதிகு³ணங் நிரப்³பு³தா³தீ³ஸு வஸ்ஸக³ணனா வேதி³தப்³பா³. ஸப்³ப³த்தா²தி அப³பா³தீ³ஸு பது³மபரியோஸானேஸு ஸப்³பே³ஸு நிரயேஸு. ஏஸேவ நயோதி ஹெட்டி²மதோ உபரிமஸ்ஸ உபரிமஸ்ஸ வீஸதிகு³ணதங் அதிதி³ஸதி.
Vassagaṇanāti ekato paṭṭhāya dasaguṇitaṃ abbudaāyumhi, tato paraṃ vīsatiguṇaṃ nirabbudādīsu vassagaṇanā veditabbā. Sabbatthāti ababādīsu padumapariyosānesu sabbesu nirayesu. Eseva nayoti heṭṭhimato uparimassa uparimassa vīsatiguṇataṃ atidisati.
கோகாலிகஸுத்தவண்ணனா நிட்டி²தா.
Kokālikasuttavaṇṇanā niṭṭhitā.
பட²மவக்³க³வண்ணனா நிட்டி²தா.
Paṭhamavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. கோகாலிகஸுத்தங் • 10. Kokālikasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. கோகாலிகஸுத்தவண்ணனா • 10. Kokālikasuttavaṇṇanā
