| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. கோஸலஸுத்தங்
9. Kosalasuttaṃ
49. ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² ராஜா பஸேனதி³ கோஸலோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
49. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho rājā pasenadi kosalo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi.
(தேன கோ² பன ஸமயேன மல்லிகா தே³வீ காலங்கதா ஹோதி.) 1 அத² கோ² அஞ்ஞதரோ புரிஸோ யேன ராஜா பஸேனதி³ கோஸலோ தேனுபஸங்கமி; உபஸங்கமித்வா ரஞ்ஞோ பஸேனதி³ஸ்ஸ கோஸலஸ்ஸ உபகண்ணகே ஆரோசேதி – ‘‘மல்லிகா தே³வீ, தே³வ 2, காலங்கதா’’தி. ஏவங் வுத்தே ராஜா பஸேனதி³ கோஸலோ து³க்கீ² து³ம்மனோ பத்தக்க²ந்தோ⁴ அதோ⁴முகோ² பஜ்ஜா²யந்தோ அப்படிபா⁴னோ நிஸீதி³.
(Tena kho pana samayena mallikā devī kālaṅkatā hoti.) 3 Atha kho aññataro puriso yena rājā pasenadi kosalo tenupasaṅkami; upasaṅkamitvā rañño pasenadissa kosalassa upakaṇṇake āroceti – ‘‘mallikā devī, deva 4, kālaṅkatā’’ti. Evaṃ vutte rājā pasenadi kosalo dukkhī dummano pattakkhandho adhomukho pajjhāyanto appaṭibhāno nisīdi.
அத² கோ² ப⁴க³வா ராஜானங் பஸேனதி³ங் கோஸலங் து³க்கி²ங் து³ம்மனங் பத்தக்க²ந்த⁴ங் அதோ⁴முக²ங் பஜ்ஜா²யந்தங் அப்படிபா⁴னங் விதி³த்வா ராஜானங் பஸேனதி³ங் கோஸலங் ஏதத³வோச – ‘‘பஞ்சிமானி, மஹாராஜ, அலப்³ப⁴னீயானி டா²னானி ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா கேனசி வா லோகஸ்மிங். கதமானி பஞ்ச? ‘ஜராத⁴ம்மங் மா ஜீரீ’தி அலப்³ப⁴னீயங் டா²னங்…பே॰… ந ஸோசனாய பரிதே³வனாய…பே॰… கம்மங் த³ள்ஹங் கிந்தி கரோமி தா³னீ’’தி. நவமங்.
Atha kho bhagavā rājānaṃ pasenadiṃ kosalaṃ dukkhiṃ dummanaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā rājānaṃ pasenadiṃ kosalaṃ etadavoca – ‘‘pañcimāni, mahārāja, alabbhanīyāni ṭhānāni samaṇena vā brāhmaṇena vā devena vā mārena vā brahmunā vā kenaci vā lokasmiṃ. Katamāni pañca? ‘Jarādhammaṃ mā jīrī’ti alabbhanīyaṃ ṭhānaṃ…pe… na socanāya paridevanāya…pe… kammaṃ daḷhaṃ kinti karomi dānī’’ti. Navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. கோஸலஸுத்தவண்ணனா • 9. Kosalasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. கோஸலஸுத்தவண்ணனா • 9. Kosalasuttavaṇṇanā
