| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. கோஸம்பி³ஸுத்தவண்ணனா
8. Kosambisuttavaṇṇanā
68. அட்ட²மே பரஸ்ஸ ஸத்³த³ஹித்வாதி பரஸ்ஸ வசனங் ஸத்³த³ஹித்வா. தேனாஹ ‘‘யங் ஏஸ ப⁴ணதி, தங் பூ⁴தந்தி க³ண்ஹாதீ’’தி. பரபத்தியோ ஹி ஏஸோ பரனெய்யபு³த்³தி⁴கோ. யங் காரணந்தி யங் அத்தனா சிந்திதவத்து². ருச்சதீதி ‘‘ஏவமேதங் ப⁴விஸ்ஸதி, ந அஞ்ஞதா²’’தி அத்தனோ மதியா சிந்தெந்தஸ்ஸ ருச்சதி. ருசியா க³ண்ஹாதீதி பரபத்தியோ அஹுத்வா ஸயமேவ ததா² ரோசெந்தோ க³ண்ஹாதி. அனுஸ்ஸவோதி ‘‘அனு அனு ஸுத’’ந்தி ஏவங் சிரகாலக³தாய அனுஸ்ஸுதியா லப்³ப⁴மானங் ‘‘கத²மித³ங் ஸியா, கஸ்மா பூ⁴தமேத’’ந்தி அனுஸ்ஸவேன க³ண்ஹாதி. விதக்கயதோதி ‘‘ஏவமேதங் ஸியா’’தி பரிகப்பெந்தஸ்ஸ. ஏகங் காரணங் உபட்டா²தீதி யதா²பரிகப்பிதவத்து² சித்தஸ்ஸ உபட்டா²தி. ஆகாரபரிவிதக்கேனாதி அத்தனா கப்பிதாகாரேனா தங் க³ண்ஹாதி. ஏகா தி³ட்டி² உப்பஜ்ஜதீதி ‘‘யதா²பரிகப்பிதங் கிஞ்சி அத்த²ங் ஏவமேதங், நாஞ்ஞதா²’’தி அபி⁴னிவிஸந்தஸ்ஸ ஏகோ அபி⁴னிவேஸோ உப்பஜ்ஜதி. யாயஸ்ஸாதி யாய தி³ட்டி²யா அஸ்ஸ புக்³க³லஸ்ஸ. நிஜ்ஜா²யந்தஸ்ஸாதி பச்சக்க²ங் விய நிரூபெத்வா சிந்தெந்தஸ்ஸ. க²மதீதி ததா² க³ஹணக்க²மோ ஹோதி. தேனாஹ ‘‘ஸோ…பே॰… க³ண்ஹாதீ’’தி. ஏதானீதி ஸத்³தா⁴தீ³னி. தானி ஹி ஸத்³தெ⁴ய்யானங் வத்தூ²னங் க³ஹணஹேதுபா⁴வதோ ‘‘காரணானீ’’தி வுத்தானி. ப⁴வனிரோதோ⁴ நிப்³பா³னந்தி நவவிதோ⁴பி ப⁴வோ நிருஜ்ஜ²தி எத்த² ஏதஸ்மிங் அதி⁴க³தேதி ப⁴வனிரோதோ⁴, நிப்³பா³னங். ஸ்வாயங் ப⁴வோ பஞ்சக்க²ந்த⁴ஸங்க³ஹோ தப்³பி³னிமுத்தோ நத்தீ²தி ஆஹ ‘‘பஞ்சக்க²ந்த⁴னிரோதோ⁴ நிப்³பா³ன’’ந்தி. ப⁴வனிரோதோ⁴ நிப்³பா³னங் நாமாதி ‘‘நிப்³பா³னங் நாம ப⁴வனிரோதோ⁴’’தி ஏஸ பஞ்ஹோ ஸெக்கே²ஹிபி ஜானிதப்³போ³, ந அஸெக்கே²ஹேவ. இமங் டா²னந்தி இமங் யாதா²வகாரணங்.
68. Aṭṭhame parassa saddahitvāti parassa vacanaṃ saddahitvā. Tenāha ‘‘yaṃ esa bhaṇati, taṃ bhūtanti gaṇhātī’’ti. Parapattiyo hi eso paraneyyabuddhiko. Yaṃ kāraṇanti yaṃ attanā cintitavatthu. Ruccatīti ‘‘evametaṃ bhavissati, na aññathā’’ti attano matiyā cintentassa ruccati. Ruciyā gaṇhātīti parapattiyo ahutvā sayameva tathā rocento gaṇhāti. Anussavoti ‘‘anu anu suta’’nti evaṃ cirakālagatāya anussutiyā labbhamānaṃ ‘‘kathamidaṃ siyā, kasmā bhūtameta’’nti anussavena gaṇhāti. Vitakkayatoti ‘‘evametaṃ siyā’’ti parikappentassa. Ekaṃ kāraṇaṃ upaṭṭhātīti yathāparikappitavatthu cittassa upaṭṭhāti. Ākāraparivitakkenāti attanā kappitākārenā taṃ gaṇhāti. Ekā diṭṭhi uppajjatīti ‘‘yathāparikappitaṃ kiñci atthaṃ evametaṃ, nāññathā’’ti abhinivisantassa eko abhiniveso uppajjati. Yāyassāti yāya diṭṭhiyā assa puggalassa. Nijjhāyantassāti paccakkhaṃ viya nirūpetvā cintentassa. Khamatīti tathā gahaṇakkhamo hoti. Tenāha ‘‘so…pe… gaṇhātī’’ti. Etānīti saddhādīni. Tāni hi saddheyyānaṃ vatthūnaṃ gahaṇahetubhāvato ‘‘kāraṇānī’’ti vuttāni. Bhavanirodho nibbānanti navavidhopi bhavo nirujjhati ettha etasmiṃ adhigateti bhavanirodho, nibbānaṃ. Svāyaṃ bhavo pañcakkhandhasaṅgaho tabbinimutto natthīti āha ‘‘pañcakkhandhanirodho nibbāna’’nti. Bhavanirodho nibbānaṃ nāmāti ‘‘nibbānaṃ nāma bhavanirodho’’ti esa pañho sekkhehipi jānitabbo, na asekkheheva. Imaṃ ṭhānanti imaṃ yāthāvakāraṇaṃ.
ஸுட்டு² தி³ட்ட²ந்தி ‘‘ப⁴வனிரோதோ⁴ நிப்³பா³ன’’ந்தி மயா ஸுட்டு² யாதா²வதோ தி³ட்ட²ங், ப⁴வஸ்ஸ பீளனஸங்க²தஸந்தாபவிபரிணாமட்டா²னங், ப⁴வனிரோத⁴ஸ்ஸ ச நிஸ்ஸரணவிவேகாஸங்க²தாமதட்டா²னங் யதா²பூ⁴தங் ஸம்மப்பஞ்ஞாய தி³ட்ட²த்தா. அனாகா³மிப²லே டி²தோ ஹி அனாகா³மிமக்³கே³ டி²தோ ஏவ நாம உபரிமக்³க³ஸ்ஸ அனதி⁴க³தத்தாதி வுத்தங் ‘‘அனாகா³மிமக்³கே³ டி²தத்தா’’தி. நிப்³பா³னங் ஆரப்³ப⁴ பவத்தம்பி தே²ரஸ்ஸேதங் ஞாணங் ‘‘நிப்³பா³னங் பச்சவெக்க²தீ’’தி வுத்தஞாணங் விய ந ஹோதீதி வுத்தங் ‘‘ஏகூனவீஸதியா…பே॰… பச்சவெக்க²ணஞாண’’ந்தி. ஏதேன ஏதங் நிப்³பா³னபச்சவெக்க²ணா விய ந ஹோதி ஸப்பதே³ஸபா⁴வதோதி த³ஸ்ஸேதி. ஏவஞ்ச கத்வா இத⁴ உத³பானநித³ஸ்ஸனம்பி ஸமத்தி²தந்தி த³ட்ட²ப்³ப³ங். பச்சவெக்க²ணஞாணேனாதி அவஸேஸகிலேஸானங், நிப்³பா³னஸ்ஸேவ வா பச்சவெக்க²ணஞாணேன. உபரி அரஹத்தப²லஸமயோதி உபரி ஸிஜ்ஜ²னதோ அரஹத்தபடிலாபோ⁴ ததா² அத்தி². ‘‘யேனாஹங் தங் பரியேஸதோ நிப்³பா³னங் ஸச்சி²கரிஸ்ஸாமீ’’தி ஜானாதி.
Suṭṭhu diṭṭhanti ‘‘bhavanirodho nibbāna’’nti mayā suṭṭhu yāthāvato diṭṭhaṃ, bhavassa pīḷanasaṅkhatasantāpavipariṇāmaṭṭhānaṃ, bhavanirodhassa ca nissaraṇavivekāsaṅkhatāmataṭṭhānaṃ yathābhūtaṃ sammappaññāya diṭṭhattā. Anāgāmiphale ṭhito hi anāgāmimagge ṭhito eva nāma uparimaggassa anadhigatattāti vuttaṃ ‘‘anāgāmimagge ṭhitattā’’ti. Nibbānaṃ ārabbha pavattampi therassetaṃ ñāṇaṃ ‘‘nibbānaṃ paccavekkhatī’’ti vuttañāṇaṃ viya na hotīti vuttaṃ ‘‘ekūnavīsatiyā…pe… paccavekkhaṇañāṇa’’nti. Etena etaṃ nibbānapaccavekkhaṇā viya na hoti sappadesabhāvatoti dasseti. Evañca katvā idha udapānanidassanampi samatthitanti daṭṭhabbaṃ. Paccavekkhaṇañāṇenāti avasesakilesānaṃ, nibbānasseva vā paccavekkhaṇañāṇena. Upari arahattaphalasamayoti upari sijjhanato arahattapaṭilābho tathā atthi. ‘‘Yenāhaṃ taṃ pariyesato nibbānaṃ sacchikarissāmī’’ti jānāti.
கோஸம்பி³ஸுத்தவண்ணனா நிட்டி²தா.
Kosambisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. கோஸம்பி³ஸுத்தங் • 8. Kosambisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. கோஸம்பி³ஸுத்தவண்ணனா • 8. Kosambisuttavaṇṇanā
