| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. குலஸுத்தங்
5. Kulasuttaṃ
258. ‘‘யானி கானிசி, பி⁴க்க²வே, குலானி போ⁴கே³ஸு மஹத்தங் பத்தானி ந சிரட்டி²திகானி ப⁴வந்தி, ஸப்³பா³னி தானி சதூஹி டா²னேஹி, ஏதேஸங் வா அஞ்ஞதரேன. கதமேஹி சதூஹி? நட்ட²ங் ந க³வேஸந்தி, ஜிண்ணங் ந படிஸங்க²ரொந்தி, அபரிமிதபானபோ⁴ஜனா ஹொந்தி, து³ஸ்ஸீலங் இத்தி²ங் வா புரிஸங் வா ஆதி⁴பச்சே ட²பெந்தி. யானி கானிசி, பி⁴க்க²வே, குலானி போ⁴கே³ஸு மஹத்தங் பத்தானி ந சிரட்டி²திகானி ப⁴வந்தி, ஸப்³பா³னி தானி இமேஹி சதூஹி டா²னேஹி , ஏதேஸங் வா அஞ்ஞதரேன.
258. ‘‘Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ na gavesanti, jiṇṇaṃ na paṭisaṅkharonti, aparimitapānabhojanā honti, dussīlaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni imehi catūhi ṭhānehi , etesaṃ vā aññatarena.
‘‘யானி கானிசி, பி⁴க்க²வே, குலானி போ⁴கே³ஸு மஹத்தங் பத்தானி சிரட்டி²திகானி ப⁴வந்தி, ஸப்³பா³னி தானி சதூஹி டா²னேஹி, ஏதேஸங் வா அஞ்ஞதரேன. கதமேஹி சதூஹி? நட்ட²ங் க³வேஸந்தி, ஜிண்ணங் படிஸங்க²ரொந்தி, பரிமிதபானபோ⁴ஜனா ஹொந்தி, ஸீலவந்தங் இத்தி²ங் வா புரிஸங் வா ஆதி⁴பச்சே ட²பெந்தி. யானி கானிசி, பி⁴க்க²வே, குலானி போ⁴கே³ஸு மஹத்தங் பத்தானி சிரட்டி²திகானி ப⁴வந்தி, ஸப்³பா³னி தானி இமேஹி சதூஹி டா²னேஹி, ஏதேஸங் வா அஞ்ஞதரேனா’’தி. பஞ்சமங்.
‘‘Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ gavesanti, jiṇṇaṃ paṭisaṅkharonti, parimitapānabhojanā honti, sīlavantaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni imehi catūhi ṭhānehi, etesaṃ vā aññatarenā’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5-10. குலஸுத்தாதி³வண்ணனா • 5-10. Kulasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-10. மாலுக்யபுத்தஸுத்தாதி³வண்ணனா • 4-10. Mālukyaputtasuttādivaṇṇanā
