| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. குலஸுத்தங்
3. Kulasuttaṃ
13. ‘‘ஸத்தஹி , பி⁴க்க²வே, அங்கே³ஹி ஸமன்னாக³தங் குலங் அனுபக³ந்த்வா வா நாலங் உபக³ந்துங், உபக³ந்த்வா வா நாலங் உபனிஸீதி³துங். கதமேஹி ஸத்தஹி? ந மனாபேன பச்சுட்டெ²ந்தி, ந மனாபேன அபி⁴வாதெ³ந்தி, ந மனாபேன ஆஸனங் தெ³ந்தி, ஸந்தமஸ்ஸ பரிகு³ஹந்தி, ப³ஹுகம்பி தோ²கங் தெ³ந்தி, பணீதம்பி லூக²ங் தெ³ந்தி, அஸக்கச்சங் தெ³ந்தி நோ ஸக்கச்சங். இமேஹி கோ², பி⁴க்க²வே, ஸத்தஹி அங்கே³ஹி ஸமன்னாக³தங் குலங் அனுபக³ந்த்வா வா நாலங் உபக³ந்துங், உபக³ந்த்வா வா நாலங் உபனிஸீதி³துங்.
13. ‘‘Sattahi , bhikkhave, aṅgehi samannāgataṃ kulaṃ anupagantvā vā nālaṃ upagantuṃ, upagantvā vā nālaṃ upanisīdituṃ. Katamehi sattahi? Na manāpena paccuṭṭhenti, na manāpena abhivādenti, na manāpena āsanaṃ denti, santamassa pariguhanti, bahukampi thokaṃ denti, paṇītampi lūkhaṃ denti, asakkaccaṃ denti no sakkaccaṃ. Imehi kho, bhikkhave, sattahi aṅgehi samannāgataṃ kulaṃ anupagantvā vā nālaṃ upagantuṃ, upagantvā vā nālaṃ upanisīdituṃ.
‘‘ஸத்தஹி, பி⁴க்க²வே, அங்கே³ஹி ஸமன்னாக³தங் குலங் அனுபக³ந்த்வா வா அலங் உபக³ந்துங், உபக³ந்த்வா வா அலங் உபனிஸீதி³துங். கதமேஹி ஸத்தஹி? மனாபேன பச்சுட்டெ²ந்தி, மனாபேன அபி⁴வாதெ³ந்தி, மனாபேன ஆஸனங் தெ³ந்தி, ஸந்தமஸ்ஸ ந பரிகு³ஹந்தி, ப³ஹுகம்பி ப³ஹுகங் தெ³ந்தி, பணீதம்பி பணீதங் தெ³ந்தி, ஸக்கச்சங் தெ³ந்தி நோ அஸக்கச்சங். இமேஹி கோ², பி⁴க்க²வே, ஸத்தஹி அங்கே³ஹி ஸமன்னாக³தங் குலங் அனுபக³ந்த்வா வா அலங் உபக³ந்துங், உபக³ந்த்வா வா அலங் உபனிஸீதி³து’’ந்தி. ததியங்.
‘‘Sattahi, bhikkhave, aṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ upanisīdituṃ. Katamehi sattahi? Manāpena paccuṭṭhenti, manāpena abhivādenti, manāpena āsanaṃ denti, santamassa na pariguhanti, bahukampi bahukaṃ denti, paṇītampi paṇītaṃ denti, sakkaccaṃ denti no asakkaccaṃ. Imehi kho, bhikkhave, sattahi aṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ upanisīditu’’nti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. குலஸுத்தவண்ணனா • 3. Kulasuttavaṇṇanā
