| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. குலஸுத்தங்
7. Kulasuttaṃ
17. ‘‘நவஹி, பி⁴க்க²வே, அங்கே³ஹி ஸமன்னாக³தங் குலங் அனுபக³ந்த்வா வா நாலங் உபக³ந்துங், உபக³ந்த்வா வா நாலங் நிஸீதி³துங். கதமேஹி நவஹி? ந மனாபேன பச்சுட்டெ²ந்தி, ந மனாபேன அபி⁴வாதெ³ந்தி, ந மனாபேன ஆஸனங் தெ³ந்தி, ஸந்தமஸ்ஸ பரிகு³ஹந்தி, ப³ஹுகம்பி தோ²கங் தெ³ந்தி, பணீதம்பி லூக²ங் தெ³ந்தி, அஸக்கச்சங் தெ³ந்தி நோ ஸக்கச்சங், ந உபனிஸீத³ந்தி த⁴ம்மஸ்ஸவனாய, பா⁴ஸிதமஸ்ஸ ந ஸுஸ்ஸூஸந்தி. இமேஹி கோ², பி⁴க்க²வே, நவஹங்கே³ஹி ஸமன்னாக³தங் குலங் அனுபக³ந்த்வா வா நாலங் உபக³ந்துங் உபக³ந்த்வா வா நாலங் நிஸீதி³துங்.
17. ‘‘Navahi, bhikkhave, aṅgehi samannāgataṃ kulaṃ anupagantvā vā nālaṃ upagantuṃ, upagantvā vā nālaṃ nisīdituṃ. Katamehi navahi? Na manāpena paccuṭṭhenti, na manāpena abhivādenti, na manāpena āsanaṃ denti, santamassa pariguhanti, bahukampi thokaṃ denti, paṇītampi lūkhaṃ denti, asakkaccaṃ denti no sakkaccaṃ, na upanisīdanti dhammassavanāya, bhāsitamassa na sussūsanti. Imehi kho, bhikkhave, navahaṅgehi samannāgataṃ kulaṃ anupagantvā vā nālaṃ upagantuṃ upagantvā vā nālaṃ nisīdituṃ.
‘‘நவஹி, பி⁴க்க²வே, அங்கே³ஹி ஸமன்னாக³தங் குலங் அனுபக³ந்த்வா வா அலங் உபக³ந்துங், உபக³ந்த்வா வா அலங் நிஸீதி³துங். கதமேஹி நவஹி? மனாபேன பச்சுட்டெ²ந்தி, மனாபேன அபி⁴வாதெ³ந்தி, மனாபேன ஆஸனங் தெ³ந்தி, ஸந்தமஸ்ஸ ந பரிகு³ஹந்தி, ப³ஹுகம்பி ப³ஹுகங் தெ³ந்தி, பணீதம்பி பணீதங் தெ³ந்தி, ஸக்கச்சங் தெ³ந்தி நோ அஸக்கச்சங், உபனிஸீத³ந்தி த⁴ம்மஸ்ஸவனாய, பா⁴ஸிதமஸ்ஸ ஸுஸ்ஸூஸந்தி. இமேஹி கோ², பி⁴க்க²வே, நவஹங்கே³ஹி ஸமன்னாக³தங் குலங் அனுபக³ந்த்வா வா அலங் உபக³ந்துங், உபக³ந்த்வா வா அலங் நிஸீதி³து’’ந்தி. ஸத்தமங்.
‘‘Navahi, bhikkhave, aṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ nisīdituṃ. Katamehi navahi? Manāpena paccuṭṭhenti, manāpena abhivādenti, manāpena āsanaṃ denti, santamassa na pariguhanti, bahukampi bahukaṃ denti, paṇītampi paṇītaṃ denti, sakkaccaṃ denti no asakkaccaṃ, upanisīdanti dhammassavanāya, bhāsitamassa sussūsanti. Imehi kho, bhikkhave, navahaṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ nisīditu’’nti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7-8. குலஸுத்தாதி³வண்ணனா • 7-8. Kulasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-9. க³ண்ட³ஸுத்தாதி³வண்ணனா • 5-9. Gaṇḍasuttādivaṇṇanā
