| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૬. કુલાવકસુત્તં
6. Kulāvakasuttaṃ
૨૫૨. સાવત્થિયં. ‘‘ભૂતપુબ્બં, ભિક્ખવે, દેવાસુરસઙ્ગામો સમુપબ્યૂળ્હો અહોસિ. તસ્મિં ખો પન, ભિક્ખવે, સઙ્ગામે અસુરા જિનિંસુ , દેવા પરાજિનિંસુ. પરાજિતા ચ ખો, ભિક્ખવે, દેવા અપાયંસ્વેવ ઉત્તરેનમુખા, અભિયંસ્વેવ ને અસુરા. અથ ખો, ભિક્ખવે, સક્કો દેવાનમિન્દો માતલિ સઙ્ગાહકં ગાથાય અજ્ઝભાસિ –
252. Sāvatthiyaṃ. ‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme asurā jiniṃsu , devā parājiniṃsu. Parājitā ca kho, bhikkhave, devā apāyaṃsveva uttarenamukhā, abhiyaṃsveva ne asurā. Atha kho, bhikkhave, sakko devānamindo mātali saṅgāhakaṃ gāthāya ajjhabhāsi –
‘‘કુલાવકા માતલિ સિમ્બલિસ્મિં,
‘‘Kulāvakā mātali simbalismiṃ,
ઈસામુખેન પરિવજ્જયસ્સુ;
Īsāmukhena parivajjayassu;
કામં ચજામ અસુરેસુ પાણં,
Kāmaṃ cajāma asuresu pāṇaṃ,
‘‘‘એવં ભદ્દન્તવા’તિ ખો, ભિક્ખવે, માતલિ સઙ્ગાહકો સક્કસ્સ દેવાનમિન્દસ્સ પટિસ્સુત્વા સહસ્સયુત્તં આજઞ્ઞરથં પચ્ચુદાવત્તેસિ. અથ ખો, ભિક્ખવે, અસુરાનં એતદહોસિ – ‘પચ્ચુદાવત્તો ખો દાનિ સક્કસ્સ દેવાનમિન્દસ્સ સહસ્સયુત્તો આજઞ્ઞરથો . દુતિયમ્પિ ખો દેવા અસુરેહિ સઙ્ગામેસ્સન્તીતિ ભીતા અસુરપુરમેવ પાવિસિંસુ. ઇતિ ખો, ભિક્ખવે, સક્કસ્સ દેવાનમિન્દસ્સ ધમ્મેન જયો અહોસી’’’તિ.
‘‘‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ paccudāvattesi. Atha kho, bhikkhave, asurānaṃ etadahosi – ‘paccudāvatto kho dāni sakkassa devānamindassa sahassayutto ājaññaratho . Dutiyampi kho devā asurehi saṅgāmessantīti bhītā asurapurameva pāvisiṃsu. Iti kho, bhikkhave, sakkassa devānamindassa dhammena jayo ahosī’’’ti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. કુલાવકસુત્તવણ્ણના • 6. Kulāvakasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. કુલાવકસુત્તવણ્ણના • 6. Kulāvakasuttavaṇṇanā
