| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૩-૪. કુમ્મસુત્તાદિવણ્ણના
3-4. Kummasuttādivaṇṇanā
૧૫૯-૧૬૦. તતિયે મહાકુમ્મકુલન્તિ મહન્તં અટ્ઠિકચ્છપકુલં. અગમાસીતિ ‘‘એત્થ અદ્ધા કિઞ્ચિ ખાદિતબ્બં અત્થિ, તં મચ્છરાયન્તો મં એસ નિવારેતી’’તિ સઞ્ઞાય અગમાસિ. પપતાયાતિ પપતા વુચ્ચતિ દીઘરજ્જુકબદ્ધો અયકન્તકોસકે દણ્ડકં પવેસેત્વા ગહિતો કણ્ણિકસલ્લસણ્ઠાનો, અયકણ્ટકો, યસ્મિં વેગેન પતિત્વા કટાહે લગ્ગમત્તે દણ્ડકો નિક્ખમતિ, રજ્જુકો એકાબદ્ધો ગચ્છતેવ. સો કુમ્મોતિ સો વિદ્ધકુમ્મો. યેન સો કુમ્મોતિ ઉદકસદ્દં સુત્વા સાસઙ્કટ્ઠાનં ભવિસ્સતીતિ નિવત્તિત્વા યેન સો અત્થકામો કુમ્મો. ન દાનિ ત્વં અમ્હાકન્તિ ઇદાનિ ત્વં અમિત્તહત્થં ગતો, ન અમ્હાકં સન્તકોતિ અત્થો. એવં સલ્લપન્તાનંયેવ ચ નેસં નાવાય ઠિતો લુદ્દો રજ્જુકં આકડ્ઢિત્વા કુમ્મં ગહેત્વા યથાકામં અકાસિ. સેસમેત્થ ઇતો અનન્તરસુત્તે ચ ઉત્તાનમેવ. તતિયચતુત્થાનિ.
159-160. Tatiye mahākummakulanti mahantaṃ aṭṭhikacchapakulaṃ. Agamāsīti ‘‘ettha addhā kiñci khāditabbaṃ atthi, taṃ maccharāyanto maṃ esa nivāretī’’ti saññāya agamāsi. Papatāyāti papatā vuccati dīgharajjukabaddho ayakantakosake daṇḍakaṃ pavesetvā gahito kaṇṇikasallasaṇṭhāno, ayakaṇṭako, yasmiṃ vegena patitvā kaṭāhe laggamatte daṇḍako nikkhamati, rajjuko ekābaddho gacchateva. So kummoti so viddhakummo. Yena so kummoti udakasaddaṃ sutvā sāsaṅkaṭṭhānaṃ bhavissatīti nivattitvā yena so atthakāmo kummo. Na dāni tvaṃ amhākanti idāni tvaṃ amittahatthaṃ gato, na amhākaṃ santakoti attho. Evaṃ sallapantānaṃyeva ca nesaṃ nāvāya ṭhito luddo rajjukaṃ ākaḍḍhitvā kummaṃ gahetvā yathākāmaṃ akāsi. Sesamettha ito anantarasutte ca uttānameva. Tatiyacatutthāni.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૩. કુમ્મસુત્તં • 3. Kummasuttaṃ
૪. દીઘલોમિકસુત્તં • 4. Dīghalomikasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૩-૪. કુમ્મસુત્તાદિવણ્ણના • 3-4. Kummasuttādivaṇṇanā
