สํยุตฺต นิกาย ๑๔ฯ๒๒

๒ฯ ทุติยวคฺค

กุสีตมูลกสุตฺต

สาวตฺถิยํ วิหรติฯ

“ธาตุโสว, ภิกฺขเว, สตฺตา สํสนฺทนฺติ สเมนฺติฯ กุสีตา กุสีเตหิ สทฺธึ สํสนฺทนฺติ สเมนฺติ; มุฏฺฐสฺสติโน มุฏฺฐสฺสตีหิ สทฺธึ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธึ สํสนฺทนฺติ สเมนฺติ; อารทฺธวีริยา อารทฺธวีริเยหิ สทฺธึ สํสนฺทนฺติ สเมนฺติ; อุปฏฺฐิตสฺสติโน อุปฏฺฐิตสฺสตีหิ สทฺธึ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธึ สํสนฺทนฺติ สเมนฺตี”ติ …เป…ฯ

ทฺวาทสมํฯ

(สพฺพตฺถ อตีตานาคตปจฺจุปฺปนฺนํ กาตพฺพํฯ)

ทุติโย วคฺโคฯ

ตสฺสุทฺทานํ

สตฺติมา สนิทานญฺจ, คิญฺชกาวสเถน จ; หีนาธิมุตฺติ จงฺกมํ, สคาถา อสฺสทฺธสตฺตมํฯ

อสฺสทฺธมูลกา ปญฺจ, จตฺตาโร อหิริกมูลกา; อโนตฺตปฺปมูลกา ตีณิ, ทุเว อปฺปสฺสุเตน จฯ

กุสีตํ เอกกํ วุตฺตํ, สุตฺตนฺตา ตีณิ ปญฺจกา; พาวีสติ วุตฺตา สุตฺตา, ทุติโย วคฺโค ปวุจฺจตีติฯ