| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૪. કૂટાગારસુત્તં
4. Kūṭāgārasuttaṃ
૧૧૧૪. ‘‘યો હિ, ભિક્ખવે 1, એવં વદેય્ય – ‘અહં દુક્ખં અરિયસચ્ચં યથાભૂતં અનભિસમેચ્ચ…પે॰… દુક્ખનિરોધગામિનિં પટિપદં અરિયસચ્ચં યથાભૂતં અનભિસમેચ્ચ સમ્મા દુક્ખસ્સન્તં કરિસ્સામી’તિ – નેતં ઠાનં વિજ્જતિ.
1114. ‘‘Yo hi, bhikkhave 2, evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘સેય્યથાપિ , ભિક્ખવે, યો એવં વદેય્ય – ‘અહં કૂટાગારસ્સ હેટ્ઠિમં ઘરં અકરિત્વા ઉપરિમં ઘરં આરોપેસ્સામી’તિ – નેતં ઠાનં વિજ્જતિ; એવમેવ ખો, ભિક્ખવે, યો એવં વદેય્ય – ‘અહં દુક્ખં અરિયસચ્ચં યથાભૂતં અનભિસમેચ્ચ…પે॰… દુક્ખનિરોધગામિનિં પટિપદં અરિયસચ્ચં યથાભૂતં અનભિસમેચ્ચ સમ્મા દુક્ખસ્સન્તં કરિસ્સામી’તિ – નેતં ઠાનં વિજ્જતિ.
‘‘Seyyathāpi , bhikkhave, yo evaṃ vadeyya – ‘ahaṃ kūṭāgārassa heṭṭhimaṃ gharaṃ akaritvā uparimaṃ gharaṃ āropessāmī’ti – netaṃ ṭhānaṃ vijjati; evameva kho, bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘યો ચ ખો, ભિક્ખવે, એવં વદેય્ય – ‘અહં દુક્ખં અરિયસચ્ચં યથાભૂતં અભિસમેચ્ચ…પે॰… દુક્ખનિરોધગામિનિં પટિપદં અરિયસચ્ચં યથાભૂતં અભિસમેચ્ચ સમ્મા દુક્ખસ્સન્તં કરિસ્સામી’તિ – ઠાનમેતં વિજ્જતિ.
‘‘Yo ca kho, bhikkhave, evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘સેય્યથાપિ, ભિક્ખવે, યો એવં વદેય્ય – ‘અહં કૂટાગારસ્સ હેટ્ઠિમં ઘરં કરિત્વા ઉપરિમં ઘરં આરોપેસ્સામી’તિ – ઠાનમેતં વિજ્જતિ; એવમેવ ખો , ભિક્ખવે, યો એવં વદેય્ય – ‘અહં દુક્ખં અરિયસચ્ચં યથાભૂતં અભિસમેચ્ચ…પે॰… દુક્ખનિરોધગામિનિં પટિપદં અરિયસચ્ચં યથાભૂતં અભિસમેચ્ચ સમ્મા દુક્ખસ્સન્તં કરિસ્સામી’તિ – ઠાનમેતં વિજ્જતિ.
‘‘Seyyathāpi, bhikkhave, yo evaṃ vadeyya – ‘ahaṃ kūṭāgārassa heṭṭhimaṃ gharaṃ karitvā uparimaṃ gharaṃ āropessāmī’ti – ṭhānametaṃ vijjati; evameva kho , bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘તસ્માતિહ , ભિક્ખવે, ‘ઇદં દુક્ખ’ન્તિ યોગો કરણીયો…પે॰… ‘અયં દુક્ખનિરોધગામિની પટિપદા’તિ યોગો કરણીયો’’તિ. ચતુત્થં.
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Catutthaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. કૂટાગારસુત્તવણ્ણના • 4. Kūṭāgārasuttavaṇṇanā
