| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. கூடஸுத்தங்
2. Kūṭasuttaṃ
12. ‘‘பஞ்சிமானி , பி⁴க்க²வே, ஸேக²ப³லானி. கதமானி பஞ்ச? ஸத்³தா⁴ப³லங், ஹிரீப³லங், ஒத்தப்பப³லங், வீரியப³லங், பஞ்ஞாப³லங் – இமானி கோ², பி⁴க்க²வே, பஞ்ச ஸேக²ப³லானி. இமேஸங் கோ², பி⁴க்க²வே, பஞ்சன்னங் ஸேக²ப³லானங் ஏதங் அக்³க³ங் ஏதங் ஸங்கா³ஹிகங் ஏதங் ஸங்கா⁴தனியங், யதி³த³ங் பஞ்ஞாப³லங்.
12. ‘‘Pañcimāni , bhikkhave, sekhabalāni. Katamāni pañca? Saddhābalaṃ, hirībalaṃ, ottappabalaṃ, vīriyabalaṃ, paññābalaṃ – imāni kho, bhikkhave, pañca sekhabalāni. Imesaṃ kho, bhikkhave, pañcannaṃ sekhabalānaṃ etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ paññābalaṃ.
‘‘ஸெய்யதா²பி , பி⁴க்க²வே , கூடாகா³ரஸ்ஸ ஏதங் அக்³க³ங் ஏதங் ஸங்கா³ஹிகங் ஏதங் ஸங்கா⁴தனியங், யதி³த³ங் கூடங். ஏவமேவங் கோ², பி⁴க்க²வே, இமேஸங் பஞ்சன்னங் ஸேக²ப³லானங் ஏதங் அக்³க³ங் ஏதங் ஸங்கா³ஹிகங் ஏதங் ஸங்கா⁴தனியங், யதி³த³ங் பஞ்ஞாப³லங்.
‘‘Seyyathāpi , bhikkhave , kūṭāgārassa etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ kūṭaṃ. Evamevaṃ kho, bhikkhave, imesaṃ pañcannaṃ sekhabalānaṃ etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ paññābalaṃ.
‘‘தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘ஸத்³தா⁴ப³லேன ஸமன்னாக³தா ப⁴விஸ்ஸாம ஸேக²ப³லேன, ஹிரீப³லேன… ஒத்தப்பப³லேன… வீரியப³லேன… பஞ்ஞாப³லேன ஸமன்னாக³தா ப⁴விஸ்ஸாம ஸேக²ப³லேனா’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. து³தியங்.
‘‘Tasmātiha, bhikkhave, evaṃ sikkhitabbaṃ – ‘saddhābalena samannāgatā bhavissāma sekhabalena, hirībalena… ottappabalena… vīriyabalena… paññābalena samannāgatā bhavissāma sekhabalenā’ti. Evañhi vo, bhikkhave, sikkhitabba’’nti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. கூடஸுத்தவண்ணனா • 2. Kūṭasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. மஹாஸுபினஸுத்தவண்ணனா • 6. Mahāsupinasuttavaṇṇanā
