| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. குடிகாஸுத்தவண்ணனா
9. Kuṭikāsuttavaṇṇanā
19. அந்தோதி குச்சி²அப்³ப⁴ந்தரே. வஸனட்டா²னட்டே²னாதி வஸனபா⁴வேன. குலபவேணிந்தி குலாசாரங் குலதந்திங். ஸந்தானகட்டே²னாதி குலஸந்ததியா ப³ந்த⁴னபா⁴வேன . ஏவங் ஸப்³ப³பதே³ஹி புச்சி²தத்த²ஸ்ஸ அனுஜானநவஸேன ‘‘ஏகங்ஸவசனே நிபாதோ’’தி வுத்தங். ஆபாதி³கா போஸிகா மாதுச்சா² மஹாபஜாபதி மாதா ஏவாதி கத்வா ‘‘பஹாய பப்³ப³ஜிதத்தா’’தி அவிஸேஸதோ வுத்தங். பஹாய பப்³ப³ஜிதத்தா நத்தீ²தி ஆனெத்வா ஸம்ப³ந்தோ⁴. புன மாதுகுச்சி²வாஸாதீ³னங் அபா⁴வவசனேனேவ வட்டம்ஹி ப³ந்த⁴னஸ்ஸ அபா⁴வோ தீ³பிதோ ஹோதீதி ந க³ஹிதோ. அயங் கிர தே³வதா யதா² புது²ஜ்ஜனா பு³த்³தா⁴னங் கு³ணே ந ஜானந்தி, ஏவங் ந ஜானாதி, தஸ்மா ‘‘மயா ஸன்னாஹங் ப³ந்தி⁴த்வா’’திஆதி³மாஹ.
19.Antoti kucchiabbhantare. Vasanaṭṭhānaṭṭhenāti vasanabhāvena. Kulapaveṇinti kulācāraṃ kulatantiṃ. Santānakaṭṭhenāti kulasantatiyā bandhanabhāvena . Evaṃ sabbapadehi pucchitatthassa anujānanavasena ‘‘ekaṃsavacane nipāto’’ti vuttaṃ. Āpādikā posikā mātucchā mahāpajāpati mātā evāti katvā ‘‘pahāya pabbajitattā’’ti avisesato vuttaṃ. Pahāya pabbajitattā natthīti ānetvā sambandho. Puna mātukucchivāsādīnaṃ abhāvavacaneneva vaṭṭamhi bandhanassa abhāvo dīpito hotīti na gahito. Ayaṃ kira devatā yathā puthujjanā buddhānaṃ guṇe na jānanti, evaṃ na jānāti, tasmā ‘‘mayā sannāhaṃ bandhitvā’’tiādimāha.
குடிகாஸுத்தவண்ணனா நிட்டி²தா.
Kuṭikāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. குடிகாஸுத்தங் • 9. Kuṭikāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. குடிகாஸுத்தவண்ணனா • 9. Kuṭikāsuttavaṇṇanā
