| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. કુટિકાસુત્તવણ્ણના
9. Kuṭikāsuttavaṇṇanā
૧૯. નવમે કચ્ચિ તે કુટિકાતિ અયં દેવતા દસ માસે અન્તોવસનટ્ઠાનટ્ઠેન માતરં કુટિકં કત્વા, યથા સકુણા દિવસં ગોચરપસુતા રત્તિં કુલાવકં અલ્લીયન્તિ, એવમેવં સત્તા તત્થ તત્થ ગન્ત્વાપિ માતુગામસ્સ સન્તિકં આગચ્છન્તિ, આલયવસેન ભરિયં કુલાવકં કત્વા. કુલપવેણિં સન્તાનકટ્ઠેન પુત્તે સન્તાનકે કત્વા, તણ્હં બન્ધનં કત્વા, ગાથાબન્ધનેન ઇમે પઞ્હે સમોધાનેત્વા ભગવન્તં પુચ્છિ, ભગવાપિસ્સા વિસ્સજ્જેન્તો તગ્ઘાતિઆદિમાહ. તત્થ તગ્ઘાતિ એકંસવચને નિપાતો. નત્થીતિ પહાય પબ્બજિતત્તા વટ્ટસ્મિં વા પુન માતુકુચ્છિવાસસ્સ દારભરણસ્સ પુત્તનિબ્બત્તિયા વા અભાવતો નત્થિ.
19. Navame kacci te kuṭikāti ayaṃ devatā dasa māse antovasanaṭṭhānaṭṭhena mātaraṃ kuṭikaṃ katvā, yathā sakuṇā divasaṃ gocarapasutā rattiṃ kulāvakaṃ allīyanti, evamevaṃ sattā tattha tattha gantvāpi mātugāmassa santikaṃ āgacchanti, ālayavasena bhariyaṃ kulāvakaṃ katvā. Kulapaveṇiṃ santānakaṭṭhena putte santānake katvā, taṇhaṃ bandhanaṃ katvā, gāthābandhanena ime pañhe samodhānetvā bhagavantaṃ pucchi, bhagavāpissā vissajjento tagghātiādimāha. Tattha tagghāti ekaṃsavacane nipāto. Natthīti pahāya pabbajitattā vaṭṭasmiṃ vā puna mātukucchivāsassa dārabharaṇassa puttanibbattiyā vā abhāvato natthi.
દેવતા ‘‘મયા સન્નાહં બન્ધિત્વા ગુળ્હા પઞ્હા પુચ્છિતા, અયઞ્ચ સમણો પુચ્છિતમત્તેયેવ વિસ્સજ્જેસિ, જાનં નુ ખો મે અજ્ઝાસયં કથેસિ, ઉદાહુ અજાનં યં વા તં વા મુખારુળ્હં કથેસી’’તિ ચિન્તેત્વા પુન કિન્તાહન્તિઆદિમાહ. તત્થ કિન્તાહન્તિ કિં તે અહં. અથસ્સા ભગવા આચિક્ખન્તો માતરન્તિઆદિમાહ. સાહુ તેતિ ગાથાય અનુમોદિત્વા સમ્પહંસિત્વા ભગવન્તં વન્દિત્વા ગન્ધમાલાદીહિ પૂજેત્વા અત્તનો દેવટ્ઠાનમેવ ગતાતિ.
Devatā ‘‘mayā sannāhaṃ bandhitvā guḷhā pañhā pucchitā, ayañca samaṇo pucchitamatteyeva vissajjesi, jānaṃ nu kho me ajjhāsayaṃ kathesi, udāhu ajānaṃ yaṃ vā taṃ vā mukhāruḷhaṃ kathesī’’ti cintetvā puna kintāhantiādimāha. Tattha kintāhanti kiṃ te ahaṃ. Athassā bhagavā ācikkhanto mātarantiādimāha. Sāhu teti gāthāya anumoditvā sampahaṃsitvā bhagavantaṃ vanditvā gandhamālādīhi pūjetvā attano devaṭṭhānameva gatāti.
કુટિકાસુત્તવણ્ણના નિટ્ઠિતા.
Kuṭikāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. કુટિકાસુત્તં • 9. Kuṭikāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. કુટિકાસુત્તવણ્ણના • 9. Kuṭikāsuttavaṇṇanā
