| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. குதூஹலஸாலாஸுத்தவண்ணனா
9. Kutūhalasālāsuttavaṇṇanā
418. நானாவித⁴ந்தி தங்தங்தி³ட்டி²வாத³படிஸங்யுத்தங் அஞ்ஞம்பி வா நானாவித⁴ங் திரச்சா²னகத²ங். ப³ஹூனங் குதூஹலுப்பத்திட்டா²னதோதி யோஜனா. யாவ ஆப⁴ஸ்ஸரப்³ரஹ்மலோகா க³ச்ச²தீதி அக்³கி³னா கப்பவுட்டா²னகாலே க³ச்ச²தி, தங் ஸந்தா⁴ய வுத்தங். இமஞ்ச காயந்தி இமங் ரூபகாயங். சுதிசித்தேன நிக்கி²பதீதி சுதிசித்தேன பி⁴ஜ்ஜமானேன நிக்கி²பதி. சுதிசித்தஸ்ஸ ஹி ஓரங் ஸத்தரஸமஸ்ஸ சித்தஸ்ஸ உப்பாத³க்க²ணே உப்பன்னங் கம்மஜரூபங் சுதிசித்தேன ஸத்³தி⁴ங் நிருஜ்ஜ²தி, ததோ பரங் கம்மஜரூபங் ந உப்பஜ்ஜதி. யதி³ உப்பஜ்ஜெய்ய, மரணங் ந ஸியா, சுதிசித்தங் ரூபங் ந ஸமுட்டா²பேதி, ஆஹாரஜஸ்ஸ ச அஸம்ப⁴வோ ஏவ, உதுஜங் பன வத்ததேவ. யஸ்மா படிஸந்தி⁴க்க²ணே ஸத்தோ அஞ்ஞதரணாய உபபஜ்ஜதி நாம, சுதிக்க²ணே படிஸந்தி⁴சித்தங் அலத்³த⁴ங் அஞ்ஞதரணாய, தஸ்மா வுத்தங் ‘‘சுதிக்க²ணே…பே॰… ஹோதீ’’தி.
418.Nānāvidhanti taṃtaṃdiṭṭhivādapaṭisaṃyuttaṃ aññampi vā nānāvidhaṃ tiracchānakathaṃ. Bahūnaṃ kutūhaluppattiṭṭhānatoti yojanā. Yāva ābhassarabrahmalokā gacchatīti agginā kappavuṭṭhānakāle gacchati, taṃ sandhāya vuttaṃ. Imañca kāyanti imaṃ rūpakāyaṃ. Cuticittena nikkhipatīti cuticittena bhijjamānena nikkhipati. Cuticittassa hi oraṃ sattarasamassa cittassa uppādakkhaṇe uppannaṃ kammajarūpaṃ cuticittena saddhiṃ nirujjhati, tato paraṃ kammajarūpaṃ na uppajjati. Yadi uppajjeyya, maraṇaṃ na siyā, cuticittaṃ rūpaṃ na samuṭṭhāpeti, āhārajassa ca asambhavo eva, utujaṃ pana vattateva. Yasmā paṭisandhikkhaṇe satto aññataraṇāya upapajjati nāma, cutikkhaṇe paṭisandhicittaṃ aladdhaṃ aññataraṇāya, tasmā vuttaṃ ‘‘cutikkhaṇe…pe… hotī’’ti.
குதூஹலஸாலாஸுத்தவண்ணனா நிட்டி²தா.
Kutūhalasālāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. குதூஹலஸாலாஸுத்தங் • 9. Kutūhalasālāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. குதூஹலஸாலாஸுத்தவண்ணனா • 9. Kutūhalasālāsuttavaṇṇanā
