| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૯. કુતૂહલસાલાસુત્તવણ્ણના
9. Kutūhalasālāsuttavaṇṇanā
૪૧૮. નાનાવિધન્તિ તંતંદિટ્ઠિવાદપટિસંયુત્તં અઞ્ઞમ્પિ વા નાનાવિધં તિરચ્છાનકથં. બહૂનં કુતૂહલુપ્પત્તિટ્ઠાનતોતિ યોજના. યાવ આભસ્સરબ્રહ્મલોકા ગચ્છતીતિ અગ્ગિના કપ્પવુટ્ઠાનકાલે ગચ્છતિ, તં સન્ધાય વુત્તં. ઇમઞ્ચ કાયન્તિ ઇમં રૂપકાયં. ચુતિચિત્તેન નિક્ખિપતીતિ ચુતિચિત્તેન ભિજ્જમાનેન નિક્ખિપતિ. ચુતિચિત્તસ્સ હિ ઓરં સત્તરસમસ્સ ચિત્તસ્સ ઉપ્પાદક્ખણે ઉપ્પન્નં કમ્મજરૂપં ચુતિચિત્તેન સદ્ધિં નિરુજ્ઝતિ, તતો પરં કમ્મજરૂપં ન ઉપ્પજ્જતિ. યદિ ઉપ્પજ્જેય્ય, મરણં ન સિયા, ચુતિચિત્તં રૂપં ન સમુટ્ઠાપેતિ, આહારજસ્સ ચ અસમ્ભવો એવ, ઉતુજં પન વત્તતેવ. યસ્મા પટિસન્ધિક્ખણે સત્તો અઞ્ઞતરણાય ઉપપજ્જતિ નામ, ચુતિક્ખણે પટિસન્ધિચિત્તં અલદ્ધં અઞ્ઞતરણાય, તસ્મા વુત્તં ‘‘ચુતિક્ખણે…પે॰… હોતી’’તિ.
418.Nānāvidhanti taṃtaṃdiṭṭhivādapaṭisaṃyuttaṃ aññampi vā nānāvidhaṃ tiracchānakathaṃ. Bahūnaṃ kutūhaluppattiṭṭhānatoti yojanā. Yāva ābhassarabrahmalokā gacchatīti agginā kappavuṭṭhānakāle gacchati, taṃ sandhāya vuttaṃ. Imañca kāyanti imaṃ rūpakāyaṃ. Cuticittena nikkhipatīti cuticittena bhijjamānena nikkhipati. Cuticittassa hi oraṃ sattarasamassa cittassa uppādakkhaṇe uppannaṃ kammajarūpaṃ cuticittena saddhiṃ nirujjhati, tato paraṃ kammajarūpaṃ na uppajjati. Yadi uppajjeyya, maraṇaṃ na siyā, cuticittaṃ rūpaṃ na samuṭṭhāpeti, āhārajassa ca asambhavo eva, utujaṃ pana vattateva. Yasmā paṭisandhikkhaṇe satto aññataraṇāya upapajjati nāma, cutikkhaṇe paṭisandhicittaṃ aladdhaṃ aññataraṇāya, tasmā vuttaṃ ‘‘cutikkhaṇe…pe… hotī’’ti.
કુતૂહલસાલાસુત્તવણ્ણના નિટ્ઠિતા.
Kutūhalasālāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. કુતૂહલસાલાસુત્તં • 9. Kutūhalasālāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૯. કુતૂહલસાલાસુત્તવણ્ણના • 9. Kutūhalasālāsuttavaṇṇanā
