| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૪. લક્ખણમાતિકાવણ્ણના
4. Lakkhaṇamātikāvaṇṇanā
૪. વિસું યોજના કાતબ્બાતિ યો તીહિ સઙ્ગહો ચતૂહિ ચ સમ્પયોગો વુત્તો, તં સભાગો ભાવો પયોજેતિ, યો ચ તીહિ અસઙ્ગહો ચતૂહિ ચ વિપ્પયોગો વુત્તો, તં વિસભાગો ભાવોતિ ઇમમત્થં દસ્સેન્તો ‘‘સઙ્ગહો…પે॰… વિઞ્ઞાયતી’’તિ આહ. યસ્સ સઙ્ગહો, સો ધમ્મો ખન્ધાદિકો સભાગો. યસ્સ અસઙ્ગહો, સો વિસભાગો. તથા સમ્પયોગેસુપિ વેદિતબ્બં. ઇદાનિ યથાવુત્તં સભાગતં સરૂપતો નિદ્ધારેત્વા દસ્સેતું ‘‘તત્થા’’તિઆદિ વુત્તં. તત્થ સમાનભાવો સઙ્ગહે સભાગતા, એકુપ્પાદાદિકો સમ્પયોગેતિ ઇમિના રુપ્પનાદિવિધુરો અસમાનસભાવો અસઙ્ગહે વિસભાગતા, નાનુપ્પાદાદિકો વિપ્પયોગેતિ અયમત્થો અત્થસિદ્ધોતિ ન વુત્તોતિ.
4. Visuṃ yojanā kātabbāti yo tīhi saṅgaho catūhi ca sampayogo vutto, taṃ sabhāgo bhāvo payojeti, yo ca tīhi asaṅgaho catūhi ca vippayogo vutto, taṃ visabhāgo bhāvoti imamatthaṃ dassento ‘‘saṅgaho…pe… viññāyatī’’ti āha. Yassa saṅgaho, so dhammo khandhādiko sabhāgo. Yassa asaṅgaho, so visabhāgo. Tathā sampayogesupi veditabbaṃ. Idāni yathāvuttaṃ sabhāgataṃ sarūpato niddhāretvā dassetuṃ ‘‘tatthā’’tiādi vuttaṃ. Tattha samānabhāvo saṅgahe sabhāgatā, ekuppādādiko sampayogeti iminā ruppanādividhuro asamānasabhāvo asaṅgahe visabhāgatā, nānuppādādiko vippayogeti ayamattho atthasiddhoti na vuttoti.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધાતુકથાપાળિ • Dhātukathāpāḷi / ૪. લક્ખણમાતિકા • 4. Lakkhaṇamātikā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૪. લક્ખણમાતિકાવણ્ણના • 4. Lakkhaṇamātikāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૪. લક્ખણમાતિકાવણ્ણના • 4. Lakkhaṇamātikāvaṇṇanā
