| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. லகுண்ட³கப⁴த்³தி³யஸுத்தவண்ணனா
6. Lakuṇḍakabhaddiyasuttavaṇṇanā
240. விரூபஸரீரவண்ணந்தி அஸுந்த³ரச²விவண்ணஞ்சேவ அஸுந்த³ரஸண்டா²னஞ்ச. பமாணவஸேனாதி ஸரீரப்பமாணவஸேன. இச்சி²திச்சி²தந்தி அத்தனா இச்சி²திச்சி²தங். மஹாஸாரஜ்ஜந்தி மஹந்தோ மங்குபா⁴வோ.
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
கு³ணே ஆவஜ்ஜெத்வாதி அத்தனா ஜானநகனியாமேன ஸத்து²னோ காயகு³ணே ச சாரித்தகு³ணே ச ஆவஜ்ஜெத்வா மனஸி கத்வா.
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
யோஜனாவட்டந்தி யோஜனபரிக்கே²பங்.
Yojanāvaṭṭanti yojanaparikkhepaṃ.
‘‘காயஸ்மீ’’தி கா³தா²ஸுக²த்த²ங் நிரனுனாஸிகங் கத்வா நித்³தே³ஸோதி வுத்தங் ‘‘காயஸ்மி’’ந்தி. அகாரணங் காயப்பமாணந்தி ஸரீரப்பமாணங் நாம அப்பமாணங், ஸீலாதி³கு³ணாவ பமாணந்தி அதி⁴ப்பாயோ.
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
லகுண்ட³கப⁴த்³தி³யஸுத்தவண்ணனா நிட்டி²தா.
Lakuṇḍakabhaddiyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. லகுண்ட³கப⁴த்³தி³யஸுத்தங் • 6. Lakuṇḍakabhaddiyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. லகுண்ட³கப⁴த்³தி³யஸுத்தவண்ணனா • 6. Lakuṇḍakabhaddiyasuttavaṇṇanā
