| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. பபாதவக்³கோ³
5. Papātavaggo
1. லோகசிந்தாஸுத்தவண்ணனா
1. Lokacintāsuttavaṇṇanā
1111. லோகசிந்தந்தி லோகஸன்னிவேஸபடிஸங்யுத்தவீமங்ஸாவ. ‘‘லோகசித்த’’ந்திபி பாடோ², தங்தங்லோகபரியாபன்னங் சித்தந்தி அத்தோ². நாளிகேராத³யோதி ஆதி³-ஸத்³தே³ன அவுத்தானங் ஓஸதி⁴திணவனப்பதிஆதீ³னங் ஸங்க³ஹோ. ஏவரூபந்தி ஏதி³ஸங் அஞ்ஞம்பி தங்தங்லோகசித்தங்.
1111.Lokacintanti lokasannivesapaṭisaṃyuttavīmaṃsāva. ‘‘Lokacitta’’ntipi pāṭho, taṃtaṃlokapariyāpannaṃ cittanti attho. Nāḷikerādayoti ādi-saddena avuttānaṃ osadhitiṇavanappatiādīnaṃ saṅgaho. Evarūpanti edisaṃ aññampi taṃtaṃlokacittaṃ.
விக³தசித்தோதி அத்தத்த²பரத்த²தோ அபக³தவிதக்கோ அத்³த³ஸ ஏவங் அதி⁴ட்ட²ஹிங்ஸூதி ஸம்ப³ந்தோ⁴. ஸம்ப³ரிமாயந்தி ஸம்ப³ரேன அஸுரிந்தே³ன உப்பாதி³தங் அஸுரமாயங், யங் ‘‘இந்த³ஜால’’ந்திபி வுச்சதி இந்த³ஸ்ஸ மோஹனத்த²ங் உப்பாதி³தத்தா. ஸம்பரிவத்தெத்வாதி பரிதா⁴வெத்வா. யதா² நேதி நே அஸுரே யதா² ஸோ புரிஸோ பஸ்ஸதி, ஏவங் அதி⁴ட்ட²ஹிங்ஸு. கஸ்மா பனேதே ஏவங் அதி⁴ட்ட²ஹிங்ஸூதி? தங் புரிஸங் தத்த² ததா²னிஸின்னங் தி³ஸ்வா ‘‘அயஞ்ச தே³வோ’’தி ஆஸங்கந்தா ததா² அதி⁴ட்ட²ஹித்வா பி⁴ஸமுளாலசி²த்³தே³ஹி பவிஸித்வா அத்தனோ அஸுரப⁴வனங் க³தா. தேனாஹ ப⁴க³வா – ‘‘தே³வானங்யேவ மோஹயமானா’’தி.
Vigatacittoti attatthaparatthato apagatavitakko addasa evaṃ adhiṭṭhahiṃsūti sambandho. Sambarimāyanti sambarena asurindena uppāditaṃ asuramāyaṃ, yaṃ ‘‘indajāla’’ntipi vuccati indassa mohanatthaṃ uppāditattā. Samparivattetvāti paridhāvetvā. Yathā neti ne asure yathā so puriso passati, evaṃ adhiṭṭhahiṃsu. Kasmā panete evaṃ adhiṭṭhahiṃsūti? Taṃ purisaṃ tattha tathānisinnaṃ disvā ‘‘ayañca devo’’ti āsaṅkantā tathā adhiṭṭhahitvā bhisamuḷālachiddehi pavisitvā attano asurabhavanaṃ gatā. Tenāha bhagavā – ‘‘devānaṃyeva mohayamānā’’ti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. லோகசிந்தாஸுத்தங் • 1. Lokacintāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. லோகசிந்தாஸுத்தவண்ணனா • 1. Lokacintāsuttavaṇṇanā
