| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૮. લોકાયતિકસુત્તવણ્ણના
8. Lokāyatikasuttavaṇṇanā
૪૮. અટ્ઠમે લોકાયતિકોતિ વિતણ્ડસત્થે લોકાયતે કતપરિચયો. જેટ્ઠમેતં લોકાયતન્તિ પઠમં લોકાયતં. લોકાયતન્તિ ચ લોકસ્સેવ આયતં, બાલપુથુજ્જનલોકસ્સ આયતં, મહન્તં ગમ્ભીરન્તિ ઉપધારિતબ્બં પરિત્તં ભાવં દિટ્ઠિગતં. એકત્તન્તિ એકસભાવં, નિચ્ચસભાવમેવાતિ પુચ્છતિ. પુથુત્તન્તિ પુરિમસભાવેન નાનાસભાવં, દેવમનુસ્સાદિભાવેન પઠમં હુત્વા પચ્છા ન હોતીતિ ઉચ્છેદં સન્ધાય પુચ્છતિ. એવમેત્થ ‘‘સબ્બમત્થિ, સબ્બમેકત્ત’’ન્તિ ઇમા દ્વેપિ સસ્સતદિટ્ઠિયો, ‘‘સબ્બં નત્થિ, સબ્બં પુથુત્ત’’ન્તિ ઇમા દ્વે ઉચ્છેદદિટ્ઠિયોતિ વેદિતબ્બા. અટ્ઠમં.
48. Aṭṭhame lokāyatikoti vitaṇḍasatthe lokāyate kataparicayo. Jeṭṭhametaṃ lokāyatanti paṭhamaṃ lokāyataṃ. Lokāyatanti ca lokasseva āyataṃ, bālaputhujjanalokassa āyataṃ, mahantaṃ gambhīranti upadhāritabbaṃ parittaṃ bhāvaṃ diṭṭhigataṃ. Ekattanti ekasabhāvaṃ, niccasabhāvamevāti pucchati. Puthuttanti purimasabhāvena nānāsabhāvaṃ, devamanussādibhāvena paṭhamaṃ hutvā pacchā na hotīti ucchedaṃ sandhāya pucchati. Evamettha ‘‘sabbamatthi, sabbamekatta’’nti imā dvepi sassatadiṭṭhiyo, ‘‘sabbaṃ natthi, sabbaṃ puthutta’’nti imā dve ucchedadiṭṭhiyoti veditabbā. Aṭṭhamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. લોકાયતિકસુત્તં • 8. Lokāyatikasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૮. લોકાયતિકસુત્તવણ્ણના • 8. Lokāyatikasuttavaṇṇanā
