| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. மஹகபாடிஹாரியஸுத்தவண்ணனா
4. Mahakapāṭihāriyasuttavaṇṇanā
346. தேஸங் அனுஜானந்தோதி தேஸங் தா³ஸகம்மகரானங் ஸேஸகே யதா²ருசி விசாரணங் அனுஜானந்தோ. குதி⁴தந்தி ப³லவதா ஸூரியஸந்தாபேன ஸங்குதி²தங் . தேனாஹ ‘‘ஹெட்டா²’’திஆதி³. அதிதிகி²ணந்தி அதிவிய திக்க²தா⁴துகங். அஸம்பி⁴ன்னபத³ந்தி அஞ்ஞத்த² அனாக³தத்தா திபிடகே அவோமிஸ்ஸகபத³ங், இதே⁴வ ஆக³தபத³ந்தி அத்தோ². படிலீயமானேனாதி படிகங்ஸேன விஸேஸனேன விலீயமானேன காயேன.
346.Tesaṃ anujānantoti tesaṃ dāsakammakarānaṃ sesake yathāruci vicāraṇaṃ anujānanto. Kudhitanti balavatā sūriyasantāpena saṅkuthitaṃ . Tenāha ‘‘heṭṭhā’’tiādi. Atitikhiṇanti ativiya tikkhadhātukaṃ. Asambhinnapadanti aññattha anāgatattā tipiṭake avomissakapadaṃ, idheva āgatapadanti attho. Paṭilīyamānenāti paṭikaṃsena visesanena vilīyamānena kāyena.
எத்த² சாதி ஏதஸ்மிங் அதி⁴ட்டா²னித்³தி⁴கரணே. அப்³ப⁴மண்ட³பங் கத்வாதி ஸமந்ததோ சா²த³னவஸேன மண்ட³பங் விய மேக⁴படலங் உப்பாதெ³த்வா. தே³வோதி மேகோ⁴. ஏகமேகங் பு²ஸிதகங் பு²ஸாயது ஜாலவினத்³த⁴ங் விய வஸ்ஸது. ஏவங் வுத்தப்பகாரேன நானாபரிகம்மங் நானாதி⁴ட்டா²னங் ஏகதோ பரிகம்மங் ஏகதோ அதி⁴ட்டா²னந்தி சதுக்கமெத்த² ஸம்ப⁴வதீதி த³ஸ்ஸேதி ‘‘எத்த² சா’’திஆதி³னா. யதா² ததா²தி யதா²வுத்தேஸு சதூஸு பகாரேஸு யேன வா தேன வா பகாரேன கரொந்தஸ்ஸ. கதபரிகம்மஸ்ஸாதி ‘‘ஏவங் வா ஏவங் வா ஹோதூ’’தி பவத்திதபரிகம்மசித்தஸ்ஸ. ‘‘பரிகம்மானந்தரேனாதி அதி⁴ட்டா²னசித்துப்பாத³னத்த²ங் ஸமாபன்னபாத³கஜ்ஜா²னதோ வுட்டா²ய அதி⁴ட்டா²னசித்தஸ்ஸ ஏகாவஜ்ஜனவீதி²யங் பவத்தபரிகம்மங் ஸந்தா⁴ய வுத்த’’ந்தி வத³ந்தி.
Ettha cāti etasmiṃ adhiṭṭhāniddhikaraṇe. Abbhamaṇḍapaṃ katvāti samantato chādanavasena maṇḍapaṃ viya meghapaṭalaṃ uppādetvā. Devoti megho. Ekamekaṃ phusitakaṃ phusāyatu jālavinaddhaṃ viya vassatu. Evaṃ vuttappakārena nānāparikammaṃ nānādhiṭṭhānaṃ ekato parikammaṃ ekato adhiṭṭhānanti catukkamettha sambhavatīti dasseti ‘‘ettha cā’’tiādinā. Yathā tathāti yathāvuttesu catūsu pakāresu yena vā tena vā pakārena karontassa. Kataparikammassāti ‘‘evaṃ vā evaṃ vā hotū’’ti pavattitaparikammacittassa. ‘‘Parikammānantarenāti adhiṭṭhānacittuppādanatthaṃ samāpannapādakajjhānato vuṭṭhāya adhiṭṭhānacittassa ekāvajjanavīthiyaṃ pavattaparikammaṃ sandhāya vutta’’nti vadanti.
மஹகபாடிஹாரியஸுத்தவண்ணனா நிட்டி²தா.
Mahakapāṭihāriyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. மஹகபாடிஹாரியஸுத்தங் • 4. Mahakapāṭihāriyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. மஹகபாடிஹாரியஸுத்தவண்ணனா • 4. Mahakapāṭihāriyasuttavaṇṇanā
