| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. மஜ்ஜே²ஸுத்தங்
7. Majjhesuttaṃ
61. ஏவங் மே ஸுதங் – ஏகங் ஸமயங் ப⁴க³வா பா³ராணஸியங் விஹரதி இஸிபதனே மிக³தா³யே. தேன கோ² பன ஸமயேன ஸம்ப³ஹுலானங் தே²ரானங் பி⁴க்கூ²னங் பச்சா²ப⁴த்தங் பிண்ட³பாதபடிக்கந்தானங் மண்ட³லமாளே ஸன்னிஸின்னானங் ஸன்னிபதிதானங் அயமந்தராகதா² உத³பாதி³ – ‘‘வுத்தமித³ங், ஆவுஸோ, ப⁴க³வதா பாராயனே மெத்தெய்யபஞ்ஹே –
61. Evaṃ me sutaṃ – ekaṃ samayaṃ bhagavā bārāṇasiyaṃ viharati isipatane migadāye. Tena kho pana samayena sambahulānaṃ therānaṃ bhikkhūnaṃ pacchābhattaṃ piṇḍapātapaṭikkantānaṃ maṇḍalamāḷe sannisinnānaṃ sannipatitānaṃ ayamantarākathā udapādi – ‘‘vuttamidaṃ, āvuso, bhagavatā pārāyane metteyyapañhe –
தங் ப்³ரூமி மஹாபுரிஸோதி, ஸோத⁴ ஸிப்³பி³னி 5 மச்சகா³’’தி.
Taṃ brūmi mahāpurisoti, sodha sibbini 6 maccagā’’ti.
‘‘கதமோ நு கோ², ஆவுஸோ, ஏகோ அந்தோ, கதமோ து³தியோ அந்தோ, கிங் மஜ்ஜே², கா ஸிப்³பி³னீ’’தி? ஏவங் வுத்தே அஞ்ஞதரோ பி⁴க்கு² தே²ரே பி⁴க்கூ² ஏதத³வோச – ‘‘ப²ஸ்ஸோ கோ², ஆவுஸோ, ஏகோ அந்தோ, ப²ஸ்ஸஸமுத³யோ து³தியோ அந்தோ , ப²ஸ்ஸனிரோதோ⁴ மஜ்ஜே², தண்ஹா ஸிப்³பி³னீ; தண்ஹா ஹி நங் ஸிப்³ப³தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. எத்தாவதா கோ², ஆவுஸோ, பி⁴க்கு² அபி⁴ஞ்ஞெய்யங் அபி⁴ஜானாதி, பரிஞ்ஞெய்யங் பரிஜானாதி, அபி⁴ஞ்ஞெய்யங் அபி⁴ஜானந்தோ 7 பரிஞ்ஞெய்யங் பரிஜானந்தோ 8 தி³ட்டே²வ த⁴ம்மே து³க்க²ஸ்ஸந்தகரோ ஹோதீ’’தி.
‘‘Katamo nu kho, āvuso, eko anto, katamo dutiyo anto, kiṃ majjhe, kā sibbinī’’ti? Evaṃ vutte aññataro bhikkhu there bhikkhū etadavoca – ‘‘phasso kho, āvuso, eko anto, phassasamudayo dutiyo anto , phassanirodho majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto 9 pariññeyyaṃ parijānanto 10 diṭṭheva dhamme dukkhassantakaro hotī’’ti.
ஏவங் வுத்தே அஞ்ஞதரோ பி⁴க்கு² தே²ரே பி⁴க்கூ² ஏதத³வோச – ‘‘அதீதங் கோ², ஆவுஸோ, ஏகோ அந்தோ, அனாக³தங் து³தியோ அந்தோ, பச்சுப்பன்னங் மஜ்ஜே², தண்ஹா ஸிப்³பி³னீ; தண்ஹா ஹி நங் ஸிப்³ப³தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. எத்தாவதா கோ², ஆவுஸோ, பி⁴க்கு² அபி⁴ஞ்ஞெய்யங் அபி⁴ஜானாதி, பரிஞ்ஞெய்யங் பரிஜானாதி, அபி⁴ஞ்ஞெய்யங் அபி⁴ஜானந்தோ, பரிஞ்ஞெய்யங் பரிஜானந்தோ தி³ட்டே²வ த⁴ம்மே து³க்க²ஸ்ஸந்தகரோ ஹோதீ’’தி.
Evaṃ vutte aññataro bhikkhu there bhikkhū etadavoca – ‘‘atītaṃ kho, āvuso, eko anto, anāgataṃ dutiyo anto, paccuppannaṃ majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto, pariññeyyaṃ parijānanto diṭṭheva dhamme dukkhassantakaro hotī’’ti.
ஏவங் வுத்தே அஞ்ஞதரோ பி⁴க்கு² தே²ரே பி⁴க்கூ² ஏதத³வோச – ‘‘ஸுகா², ஆவுஸோ, வேத³னா ஏகோ அந்தோ, து³க்கா² வேத³னா து³தியோ அந்தோ, அது³க்க²மஸுகா² வேத³னா மஜ்ஜே², தண்ஹா ஸிப்³பி³னீ; தண்ஹா ஹி நங் ஸிப்³ப³தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. எத்தாவதா கோ², ஆவுஸோ, பி⁴க்கு² அபி⁴ஞ்ஞெய்யங் அபி⁴ஜானாதி, பரிஞ்ஞெய்யங் பரிஜானாதி, அபி⁴ஞ்ஞெய்யங் அபி⁴ஜானந்தோ, பரிஞ்ஞெய்யங் பரிஜானந்தோ தி³ட்டே²வ த⁴ம்மே து³க்க²ஸ்ஸந்தகரோ ஹோதீ’’தி.
Evaṃ vutte aññataro bhikkhu there bhikkhū etadavoca – ‘‘sukhā, āvuso, vedanā eko anto, dukkhā vedanā dutiyo anto, adukkhamasukhā vedanā majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto, pariññeyyaṃ parijānanto diṭṭheva dhamme dukkhassantakaro hotī’’ti.
ஏவங் வுத்தே அஞ்ஞதரோ பி⁴க்கு² தே²ரே பி⁴க்கூ² ஏதத³வோச – ‘‘நாமங் கோ², ஆவுஸோ, ஏகோ அந்தோ, ரூபங் து³தியோ அந்தோ, விஞ்ஞாணங் மஜ்ஜே², தண்ஹா ஸிப்³பி³னீ; தண்ஹா ஹி நங் ஸிப்³ப³தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. எத்தாவதா கோ², ஆவுஸோ, பி⁴க்கு² அபி⁴ஞ்ஞெய்யங் அபி⁴ஜானாதி, பரிஞ்ஞெய்யங் பரிஜானாதி, அபி⁴ஞ்ஞெய்யங் அபி⁴ஜானந்தோ பரிஞ்ஞெய்யங் பரிஜானந்தோ தி³ட்டே²வ த⁴ம்மே து³க்க²ஸ்ஸந்தகரோ ஹோதீ’’தி.
Evaṃ vutte aññataro bhikkhu there bhikkhū etadavoca – ‘‘nāmaṃ kho, āvuso, eko anto, rūpaṃ dutiyo anto, viññāṇaṃ majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto diṭṭheva dhamme dukkhassantakaro hotī’’ti.
ஏவங் வுத்தே அஞ்ஞதரோ பி⁴க்கு² தே²ரே பி⁴க்கூ² ஏதத³வோச – ‘‘ச² கோ², ஆவுஸோ, அஜ்ஜ²த்திகானி ஆயதனானி ஏகோ அந்தோ, ச² பா³ஹிரானி ஆயதனானி து³தியோ அந்தோ, விஞ்ஞாணங் மஜ்ஜே², தண்ஹா ஸிப்³பி³னீ; தண்ஹா ஹி நங் ஸிப்³ப³தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. எத்தாவதா கோ² ஆவுஸோ , பி⁴க்கு² அபி⁴ஞ்ஞெய்யங் அபி⁴ஜானாதி, பரிஞ்ஞெய்யங் பரிஜானாதி, அபி⁴ஞ்ஞெய்யங் அபி⁴ஜானந்தோ பரிஞ்ஞெய்யங் பரிஜானந்தோ தி³ட்டே²வ த⁴ம்மே து³க்க²ஸ்ஸந்தகரோ ஹோதீ’’தி.
Evaṃ vutte aññataro bhikkhu there bhikkhū etadavoca – ‘‘cha kho, āvuso, ajjhattikāni āyatanāni eko anto, cha bāhirāni āyatanāni dutiyo anto, viññāṇaṃ majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho āvuso , bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto diṭṭheva dhamme dukkhassantakaro hotī’’ti.
ஏவங் வுத்தே அஞ்ஞதரோ பி⁴க்கு² தே²ரே பி⁴க்கூ² ஏதத³வோச – ‘‘ஸக்காயோ கோ², ஆவுஸோ, ஏகோ அந்தோ, ஸக்காயஸமுத³யோ து³தியோ அந்தோ, ஸக்காயனிரோதோ⁴ மஜ்ஜே², தண்ஹா ஸிப்³பி³னீ; தண்ஹா ஹி நங் ஸிப்³ப³தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. எத்தாவதா கோ², ஆவுஸோ, பி⁴க்கு² அபி⁴ஞ்ஞெய்யங் அபி⁴ஜானாதி, பரிஞ்ஞெய்யங் பரிஜானாதி, அபி⁴ஞ்ஞெய்யங் அபி⁴ஜானந்தோ பரிஞ்ஞெய்யங் பரிஜானந்தோ 11 தி³ட்டே²வ த⁴ம்மே து³க்க²ஸ்ஸந்தகரோ ஹோதீ’’தி.
Evaṃ vutte aññataro bhikkhu there bhikkhū etadavoca – ‘‘sakkāyo kho, āvuso, eko anto, sakkāyasamudayo dutiyo anto, sakkāyanirodho majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, āvuso, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto 12 diṭṭheva dhamme dukkhassantakaro hotī’’ti.
ஏவங் வுத்தே அஞ்ஞதரோ பி⁴க்கு² தே²ரே பி⁴க்கூ² ஏதத³வோச – ‘‘ப்³யாகதங் கோ², ஆவுஸோ, அம்ஹேஹி ஸப்³பே³ஹேவ யதா²ஸகங் படிபா⁴னங். ஆயாமாவுஸோ, யேன ப⁴க³வா தேனுபஸங்கமிஸ்ஸாம; உபஸங்கமித்வா ப⁴க³வதோ ஏதமத்த²ங் ஆரோசெஸ்ஸாம. யதா² நோ ப⁴க³வா ப்³யாகரிஸ்ஸதி ததா² நங் தா⁴ரெஸ்ஸாமா’’தி. ‘‘ஏவமாவுஸோ’’தி கோ² தே²ரா பி⁴க்கூ² தஸ்ஸ பி⁴க்கு²னோ பச்சஸ்ஸோஸுங். அத² கோ² தே²ரா பி⁴க்கூ² யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு . ஏகமந்தங் நிஸின்னா கோ² தே²ரா பி⁴க்கூ² யாவதகோ அஹோஸி ஸப்³பே³ஹேவ ஸத்³தி⁴ங் கதா²ஸல்லாபோ, தங் ஸப்³ப³ங் ப⁴க³வதோ ஆரோசேஸுங். ‘‘கஸ்ஸ நு கோ², ப⁴ந்தே, ஸுபா⁴ஸித’’ந்தி? ‘‘ஸப்³பே³ஸங் வோ, பி⁴க்க²வே, ஸுபா⁴ஸிதங் பரியாயேன, அபி ச யங் மயா ஸந்தா⁴ய பா⁴ஸிதங் பாராயனே மெத்தெய்யபஞ்ஹே –
Evaṃ vutte aññataro bhikkhu there bhikkhū etadavoca – ‘‘byākataṃ kho, āvuso, amhehi sabbeheva yathāsakaṃ paṭibhānaṃ. Āyāmāvuso, yena bhagavā tenupasaṅkamissāma; upasaṅkamitvā bhagavato etamatthaṃ ārocessāma. Yathā no bhagavā byākarissati tathā naṃ dhāressāmā’’ti. ‘‘Evamāvuso’’ti kho therā bhikkhū tassa bhikkhuno paccassosuṃ. Atha kho therā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu . Ekamantaṃ nisinnā kho therā bhikkhū yāvatako ahosi sabbeheva saddhiṃ kathāsallāpo, taṃ sabbaṃ bhagavato ārocesuṃ. ‘‘Kassa nu kho, bhante, subhāsita’’nti? ‘‘Sabbesaṃ vo, bhikkhave, subhāsitaṃ pariyāyena, api ca yaṃ mayā sandhāya bhāsitaṃ pārāyane metteyyapañhe –
‘‘யோ உபொ⁴ந்தே விதி³த்வான, மஜ்ஜே² மந்தா ந லிப்பதி;
‘‘Yo ubhonte viditvāna, majjhe mantā na lippati;
தங் ப்³ரூமி மஹாபுரிஸோதி, ஸோத⁴ ஸிப்³பி³னிமச்சகா³’’தி.
Taṃ brūmi mahāpurisoti, sodha sibbinimaccagā’’ti.
‘‘தங் ஸுணாத², ஸாது⁴கங் மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே²ரா பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச – ‘‘ப²ஸ்ஸோ கோ², பி⁴க்க²வே, ஏகோ அந்தோ , ப²ஸ்ஸஸமுத³யோ து³தியோ அந்தோ, ப²ஸ்ஸனிரோதோ⁴ மஜ்ஜே², தண்ஹா ஸிப்³பி³னீ; தண்ஹா ஹி நங் ஸிப்³ப³தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. எத்தாவதா கோ², பி⁴க்க²வே, பி⁴க்கு² அபி⁴ஞ்ஞெய்யங் அபி⁴ஜானாதி, பரிஞ்ஞெய்யங் பரிஜானாதி, அபி⁴ஞ்ஞெய்யங் அபி⁴ஜானந்தோ பரிஞ்ஞெய்யங் பரிஜானந்தோ தி³ட்டே²வ த⁴ம்மே து³க்க²ஸ்ஸந்தகரோ ஹோதீ’’தி. ஸத்தமங்.
‘‘Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho therā bhikkhū bhagavato paccassosuṃ. Bhagavā etadavoca – ‘‘phasso kho, bhikkhave, eko anto , phassasamudayo dutiyo anto, phassanirodho majjhe, taṇhā sibbinī; taṇhā hi naṃ sibbati tassa tasseva bhavassa abhinibbattiyā. Ettāvatā kho, bhikkhave, bhikkhu abhiññeyyaṃ abhijānāti, pariññeyyaṃ parijānāti, abhiññeyyaṃ abhijānanto pariññeyyaṃ parijānanto diṭṭheva dhamme dukkhassantakaro hotī’’ti. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. மஜ்ஜே²ஸுத்தவண்ணனா • 7. Majjhesuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. மஜ்ஜே²ஸுத்தவண்ணனா • 7. Majjhesuttavaṇṇanā
