| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
5. மக்க²ஸுத்தவண்ணனா
5. Makkhasuttavaṇṇanā
5. பஞ்சமே மக்க²ந்தி பரகு³ணமக்க²னங். யதி³பி ஹி ஸோ கூ³த²ங் க³ஹெத்வா பரங் பஹரந்தோ விய அத்தனோ கரங் பட²மதரங் மக்க²தியேவ, ததா²பி பரேஸங் கு³ணமக்க²னாதி⁴ப்பாயேன பவத்தேதப்³ப³த்தா ‘‘பரகு³ணமக்க²னோ’’தி வுச்சதி. ததா² ஹி ஸோ உத³கபுஞ்ச²னமிவ ந்ஹாதஸ்ஸ ஸரீரக³தங் உத³கங் பரேஸங் கு³ணே மக்கே²தி புஞ்ச²தி வினாஸேதி , பரேஹி வா கதானங் மஹந்தானம்பி காரானங் கே²பனதோ த⁴ங்ஸனதோ மக்கோ²தி வுச்சதி. ஸோ பரகு³ணமக்க²னலக்க²ணோ, தேஸங் வினாஸனரஸோ, தத³வச்சா²த³னபச்சுபட்டா²னோ. அத்த²தோ பன பரேஸங் கு³ணமக்க²னாகாரேன பவத்தோ தோ³மனஸ்ஸஸஹக³தசித்துப்பாதோ³தி த³ட்ட²ப்³ப³ங். பஜஹதா²தி தத்த² வுத்தப்பபே⁴த³ங் தோ³ஸங், தோ³ஸே ச வுத்தனயங் ஆதீ³னவங், பஹானே சஸ்ஸ ஆனிஸங்ஸங் பச்சவெக்கி²த்வா புப்³ப³பா⁴கே³ தத³ங்கா³தி³வஸேன பஜஹந்தா விபஸ்ஸனங் உஸ்ஸுக்காபெத்வா ததியமக்³கே³ன அனவஸேஸங் ஸமுச்சி²ந்த³தா²தி அத்தோ². மக்கா²ஸேதி மக்கி²தா மக்கி²தபரகு³ணா, பரேஸங் கு³ணானங் மக்கி²தாரோ, ததோ ஏவ அத்தனோபி த⁴ங்ஸிதகு³ணாதி அத்தோ². ஸேஸங் வுத்தனயமேவ.
5. Pañcame makkhanti paraguṇamakkhanaṃ. Yadipi hi so gūthaṃ gahetvā paraṃ paharanto viya attano karaṃ paṭhamataraṃ makkhatiyeva, tathāpi paresaṃ guṇamakkhanādhippāyena pavattetabbattā ‘‘paraguṇamakkhano’’ti vuccati. Tathā hi so udakapuñchanamiva nhātassa sarīragataṃ udakaṃ paresaṃ guṇe makkheti puñchati vināseti , parehi vā katānaṃ mahantānampi kārānaṃ khepanato dhaṃsanato makkhoti vuccati. So paraguṇamakkhanalakkhaṇo, tesaṃ vināsanaraso, tadavacchādanapaccupaṭṭhāno. Atthato pana paresaṃ guṇamakkhanākārena pavatto domanassasahagatacittuppādoti daṭṭhabbaṃ. Pajahathāti tattha vuttappabhedaṃ dosaṃ, dose ca vuttanayaṃ ādīnavaṃ, pahāne cassa ānisaṃsaṃ paccavekkhitvā pubbabhāge tadaṅgādivasena pajahantā vipassanaṃ ussukkāpetvā tatiyamaggena anavasesaṃ samucchindathāti attho. Makkhāseti makkhitā makkhitaparaguṇā, paresaṃ guṇānaṃ makkhitāro, tato eva attanopi dhaṃsitaguṇāti attho. Sesaṃ vuttanayameva.
பஞ்சமஸுத்தவண்ணனா நிட்டி²தா.
Pañcamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 5. மக்க²ஸுத்தங் • 5. Makkhasuttaṃ
