| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. મલ્લિકાસુત્તવણ્ણના
8. Mallikāsuttavaṇṇanā
૧૧૯. ‘‘કસ્મા પુચ્છતી’’તિ? પુચ્છાકારણં ચોદેત્વા સમુદયતો પટ્ઠાય દસ્સેતું ‘‘અયં કિર મલ્લિકા’’તિઆદિ વુત્તં. માલારામં ગન્ત્વાતિ અત્તનો પિતુ માલારામં રક્ખણત્થઞ્ચેવ અવસેસપુપ્ફગ્ગહણત્થઞ્ચ ગન્ત્વા. કાસિગામેતિ કાસિરટ્ઠસ્સ ગામે. સો કિર ગામો મહાકોસલરાજેન અત્તનો ધીતુયા પતિઘરં ગચ્છન્તિયા પુપ્ફમૂલત્થાય દિન્નો, તંનિમિત્તં. ભાગિનેય્યેન અજાતસત્તુના. તસ્સાતિ રઞ્ઞો પસેનદિસ્સ. સાતિ મલ્લિકા. નિવત્તિતુન્તિ તસ્સા ધમ્મતાય નિવત્તિતું તસ્સા વચનં પટિક્ખિપિતું. નેવજ્ઝગાતિ વત્તમાનત્થે અતીતવચનન્તિ આહ ‘‘નાધિગચ્છતી’’તિ. પુથુ અત્તાતિ તેસં સત્તાનં અત્તા.
119.‘‘Kasmā pucchatī’’ti? Pucchākāraṇaṃ codetvā samudayato paṭṭhāya dassetuṃ ‘‘ayaṃ kira mallikā’’tiādi vuttaṃ. Mālārāmaṃ gantvāti attano pitu mālārāmaṃ rakkhaṇatthañceva avasesapupphaggahaṇatthañca gantvā. Kāsigāmeti kāsiraṭṭhassa gāme. So kira gāmo mahākosalarājena attano dhītuyā patigharaṃ gacchantiyā pupphamūlatthāya dinno, taṃnimittaṃ. Bhāgineyyena ajātasattunā. Tassāti rañño pasenadissa. Sāti mallikā. Nivattitunti tassā dhammatāya nivattituṃ tassā vacanaṃ paṭikkhipituṃ. Nevajjhagāti vattamānatthe atītavacananti āha ‘‘nādhigacchatī’’ti. Puthu attāti tesaṃ sattānaṃ attā.
મલ્લિકાસુત્તવણ્ણના નિટ્ઠિતા.
Mallikāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. મલ્લિકાસુત્તં • 8. Mallikāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. મલ્લિકાસુત્તવણ્ણના • 8. Mallikāsuttavaṇṇanā
