| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૨. મલ્લિકસુત્તવણ્ણના
2. Mallikasuttavaṇṇanā
૫૨૨. ચત્તારિ ઇન્દ્રિયાનીતિ પઞ્ઞિન્દ્રિયં ઠપેત્વા સેસાનિ ચત્તારિ. ‘‘અરિયઞાણં લોકુત્તર’’ન્તિ વુત્તં મગ્ગઞાણં કત્વા. અરિય-સદ્દો પન યથા તથા વિસુદ્ધેપિ હોતીતિ તાદિસં સન્ધાય વુત્તં ‘‘તમ્પિ પના’’તિઆદિ. યથા હિ ચત્તારિન્દ્રિયાનિ મિસ્સકાનિ, એવં પઞ્ઞિન્દ્રિયમ્પિ મિસ્સકન્તિ વુચ્ચમાને ન કોચિ વિરોધોતિ અધિપ્પાયેનાહ ‘‘તમ્પિ પન…પે॰… વટ્ટતી’’તિ.
522.Cattāri indriyānīti paññindriyaṃ ṭhapetvā sesāni cattāri. ‘‘Ariyañāṇaṃ lokuttara’’nti vuttaṃ maggañāṇaṃ katvā. Ariya-saddo pana yathā tathā visuddhepi hotīti tādisaṃ sandhāya vuttaṃ ‘‘tampi panā’’tiādi. Yathā hi cattārindriyāni missakāni, evaṃ paññindriyampi missakanti vuccamāne na koci virodhoti adhippāyenāha ‘‘tampi pana…pe… vaṭṭatī’’ti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. મલ્લિકસુત્તં • 2. Mallikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨. મલ્લિકસુત્તવણ્ણના • 2. Mallikasuttavaṇṇanā
